ஏறாவூர் இரட்டைப் படுகொலை சந்தேக நபர்களுக்கு விளக்கமறியல் நீடிப்பு

ஏறாவூர் இரட்டைப் படுகொலை சந்தேக நபர்களுக்கு விளக்கமறியல் நீடிப்பு

ஏறாவூரில் தாய் மற்றும் மகள் என இரட்டைப் படுகொலைச் சந்தேக நபர்கள் அறுவரையும் எதிர்வரும் 22ஆம் திகதி வரை தொடர்ந்தும் விளக்கமறியலில் வைக்குமாறு உத்தரவிடப்பட்டுள்ளது.

ஏறாவூர் சுற்றுலா நீதிவான் நீதிமன்றத்தில் குறித்த ஆறு பேரும் இன்று (புதன்கிழமை) ஆஜர்படுத்தப்பட்டிருந்த நிலையில் மேலதிக நீதவானும் மேலதிக மாவட்ட நீதிபதியுமாகிய முஹம்மத் இஸ்மாயில் முஹம்மத் றிஷ்வி இந்த உத்தரவை பிறப்பித்துள்ளார்.

ஏறாவூர் நகர பிரதேசத்தில் கடந்த செப்டம்பர் மாதம் 11 ஆம் திகதி, நூர்முஹம்மது உஸைரா என்னும் 56 வயதுடைய தாயும் அவரது மகளான 32 வயதுடைய ஜெனீராபானு மாஹிர் ஆகியோர் படுகொலை செய்யப்பட்டிருந்தனர். இந்த சம்பவம் குறித்து கைது செய்யப்பட்ட ஆறு சந்தேக நபர்களும் கடந்த செப்டம்பெர் மாதத்திலிருந்து தொடர்ச்சியாக விளக்கமறியலில் வைக்கப்பட்டுள்ளனர் என்பது குறிப்பிடத்தக்கது.