கென்யாவில் பேருந்து மீது லாரி மோதல்; 30 பேர் பலி

மலரவன் 31st December 2017 உலக செய்திகள் Comments Off on கென்யாவில் பேருந்து மீது லாரி மோதல்; 30 பேர் பலி 49 Views

கென்யா நாட்டில் பேருந்து மீது லாரி மோதி விபத்திற்குள்ளான சம்பவத்தில் 30 பேர் இன்று உயிரிழந்தனர். 16 பேர் காயமடைந்தனர்

கென்யா நாட்டில் பசியா பகுதியில் இருந்து பேருந்து ஒன்று பயணிகளுடன் நகுரு-எல்டோரெட் நெடுஞ்சாலையில் இன்று அதிகாலை சென்று கொண்டிருந்தது. இந்த நிலையில் அதிகாலை 3 மணியளவில் நகுரு பகுதியில் இருந்து வந்த லாரி ஒன்றின் மீது பேருந்து மோதி விபத்திற்குள்ளானது.

இந்த சம்பவத்தில் இரு வாகனங்களின் ஓட்டுனர்கள் மற்றும் 3 வயது குழந்தை உள்பட 30 பேர் பலியாகினர். 16 பேர் காயமடைந்தனர். காயமடைந்தவர்கள் உடனடியாக நகுரு மருத்துவமனைக்கு சிகிச்சைக்காக கொண்டு செல்லப்பட்டு உள்ளனர்.

கென்யாவில் சாலை விபத்துகளில் ஒவ்வொரு வருடமும் 3 ஆயிரம் பேர் பலியாகின்றனர் என அதிகாரபூர்வ புள்ளி விவர தகவல்கள் தெரிவிக்கின்றன.