நல்லிணக்கம் பாதிக்கப்படின் நாடு அழிவை எதிர்நோக்கும் ; மகாநாயக்க தேரர் எச்சரிக்கை

நாட்டில் இனங்களுக்கிடையிலான நல்லிணக்கம் பாதிக்கப்படுமாயின், நாடு பாரிய அழிவை எதிர்நோக்குவதை தடுக்க முடியாது என மல்வத்து பிரிவின் மகாநாயக்கர் திப்பட்டுவாவே ஸ்ரீ சித்தார்த்த சுமங்கள தேரர் தெரிவித்துள்ளார்.

மக்கள் விடுதலை முன்னணியின் தலைவர் அனுர குமாரதிஸாநாயக்க நேற்று (புதன்கிழமை) தலதா மாளிகைக்குச் சென்று மகாநாயக்க தேரர்களைச் சந்தித்து ஆசீர்வாதம் பெற்றார். இதன்போதே அவர் இவ்வாறு குறிப்பிட்டுள்ளார்.

மேலும், நாட்டின் பல்வேறு பகுதிகளிலும் ஏற்பட்டுள்ள இனங்களுக்கிடையலான இந்த வன்முறைக்கு அரசியலில் ஏற்பட்டுள்ள பிளவுகளே காரணம என்றும் கூறியுள்ளார். மகாநாயக்க தேரருடனான சந்திப்பை தொடர்ந்து தொடர்ந்து கருத்து தெரிவித்த அனுர குமாரதிஸாநாயக்க, நாட்டில் தற்போது எழுந்துள்ள அசாதாரண நிலையை கட்டுப்பாட்டுக்குள் கொண்டு வருவதற்கு சமயத் தலைவர்கள் பங்களிப்பு வழங்க வேண்டும் இதன்போது குறிப்பிட்டுள்ளார்.