3 பிள்ளைகளின் தந்தை சடலமாக மீட்பு

3 பிள்ளைகளின் தந்தை சடலமாக மீட்பு

மஸ்கெலியா சாமிமலை ஓயாவிலிருந்து ஆண் ஒருவரின் சடலம் இன்று மஸ்கெலியா பொலிஸாரால் மீட்கப்பட்டுள்ளது.

குறித்த ஆற்றுக்கு நீராட சென்ற சிலர் ஆற்றில் சடலம் ஒன்று மிதப்பதைக் கண்டு மஸ்கெலியா பொலிஸ் நிலையத்திற்கு தகவல் வழங்கியுள்ளனர்.

இதனையடுத்து சம்பவ இடத்திற்கு விரைந்த பொலிஸார் சடலத்தை மீட்டனர்.

இவ்வாறு மீட்கப்பட்ட சடலம் பிரவுன்ஸ்விக் தோட்டத்தின் ராணித் தோட்டத்தில் வசித்து வந்த 40 வயதுடைய மூன்று பிள்ளைகளின் தந்தையான சூரியகுமார் என அடையாளம் காணப்பட்டுள்ளார்.

இதையடுத்து சம்பவம் தொடர்பில் மஸ்கெலியா பொலிஸார் மேலதிக விசாரணைகளை மேற்கொண்டுள்ளனர்.