கொரோனாவால் இத்தாலியில் உயிரிழந்தோர் எண்ணிக்கை 109 ஆக உயர்வு!

கொரோனாவால் இத்தாலியில் உயிரிழந்தோர் எண்ணிக்கை 109 ஆக உயர்வு!

இத்தாலி நாட்டில் கொரோனாவுக்கு உயிரிழந்தோர் எண்ணிக்கை 109 ஆக உயர்ந்துள்ள நிலையில் நாட்டில் உள்ள அனைத்து பள்ளிகளையும் மூட உத்தரவு பிறப்பிக்கப்பட்டுள்ளது.

சீனாவின் ஹூபேய் மாகாணம் வுகான் நகரில் கண்டுபிடிக்கப்பட்ட கொரோனா வைரஸ் தற்போது உலகம் முழுவதும் பரவி பெரும் அச்சுறுத்தலாக விளங்கிவருகிறது. கொரோனா வைரஸ் பாதிப்பிற்கு சீனாவில் இதுவரை 3 ஆயிரத்து 12 பேர் உயிரிழந்துள்ளனர்.

மேலும் 80 ஆயிரத்து 409 பேருக்கு வைரஸ் பரவுயுள்ளதாக அதிகாரிகள் தெரிவித்துள்ளனர். உலகம் முழுவதும் கொரோனா பாதிப்பிற்கு 3 ஆயிரத்து 200-க்கும் அதிகமானோர் உயிரிழந்துள்ளனர்.

மேலும், 95 ஆயிரம் பேருக்கு வைரஸ் பரவியுள்ளதாக உலக சுகாதார அமைப்பு தெரிவித்துள்ளது. இந்நிலையில், ஐரோப்பிய நாடான இத்தாலியில் கொரோனா தாக்கி உயிரிழந்தோர் எண்ணிக்கை 109 ஆக உயர்ந்துள்ளது. மேலும், 3 ஆயிரத்து 89 பேருக்கு வைரஸ் பரவியுள்ளதாக அந்நாட்டு சுகாதாரத்துறை அதிகாரப்பூர்வமாக தெரிவித்துள்ளது.

கொரோனாவின் தாக்கம் தீவிரமடைந்து வருவதையடுத்து இத்தாலியில் உள்ள அனைத்து பள்ளிகளையும் வரும் 15 -ம் தேதி வரை மூட அந்நாட்டு கல்வித்துறை மந்திரி உத்தரவிட்டுள்ளார்.

பயனுள்ள இணைப்புகள் இங்கே