வாராந்திர ராசிபலன் 27-நவம்பர் – 3-டிசம்பர்-2017

மேஷம்:பிரச்சனைகளை சமாளிக்கும் மன தைரியம் கொண்ட நீங்கள், மனசாட்சிக்கு விரோதமாக எதையும் செய்ய தயங்குவீர்கள்.

உங்கள் ராசிநாதன் செவ்வாய் சாதகமான நட்சத்திரங்களில் செல்வதால் புதிய திட்டம் மனதில் உதயமாகும். மாறுபட்ட அணுகுமுறையால் காரியங்கள் சாதிப்பீர்கள். தடைப்பட்ட வேலைகள் முடியும். குடும்பத்தில் உங்கள் வார்த்தைக்கு மதிப்புக் கூடும். சகோதரங்களால் நன்மை உண்டு. வழக்கில் நல்ல தீர்ப்பு வரும்.

வீடு, மனை வாங்குவது, விற்பது லாபகரமாக அமையும். சுக்ரன் சாதகமான வீடுகளில் சென்றுக் கொண்டிருப்பதால் எதிர்பார்த்த பணம் கைக்கு வரும். புது டிசைனில் நகை, சட்டை, துணி மணிகள் வாங்குவீர்கள்.

மகளுக்கு வேலைக் கிடைக்கும். பூர்வ புண்யாதிபதி சூரியன் சனியுடன் சேர்ந்திருப்பதால் பிள்ளைகளின் நட்பு வட்டத்தைக் கண்காணிப்பது நல்லது. கூடாப் பழக்க வழக்கங்கள் அவர்களை தொற்றிக் கொள்ளக் கூடும். கர்ப்பிணிப் பெண்கள் நீண்ட தூரப் பயணங்களை தவிர்ப்பது நல்லது.

அஷ்டமத்துச் சனியால் அவ்வப்போது குழப்பம், தாழ்வுமனப்பான்மை ஏற்படும். குரு வலுவாக இருப்பதால் புண்ணிய ஸ்தலங்கள் சென்று வருவீர்கள். வெளிநாடு செல்லும் வாய்ப்பு வரும். கன்னிப் பெண்களே! பெற்றோருடன் கலந்தாலோசித்து வருங்காலம் குறித்து சில முடிவுகள் எடுப்பீர்கள். வியாபாரத்தில் போட்டிகளை எதிர்கொண்டு வெற்றி காண்பீர்கள். உத்யோகத்தில் சூழ்ச்சிகளை தாண்டி அதிகாரியின் ஆதரவைப் பெறுவீர்கள்.

கலைத்துறையினரே! புது வாய்ப்புகள் தேடி வரும். விட்டுக் கொடுத்துச் செல்ல வேண்டிய வாரமிது. அதிஷ்ட தேதிகள்: 3 அதிஷ்ட எண்கள்: 1, 6 அதிஷ்ட நிறங்கள்: மெரூண், வெள்ளை அதிஷ்ட திசை: தென்கிழக்கு.

ரிஷபம்:சுய உழைப்பில் வாழ விரும்பும் நீங்கள், தன்மானம் தவறாதவர்கள். ராகு வலுவாக இருப்பதால் தடைகளையும் தாண்டி முன்னேறுவீர்கள்.

வாகனத்தை சீர் செய்வீர்கள். வீட்டை விரிவுப்படுத்தும் பணி சிறப்பாக முடியும். உறவினர், நண்பர் வீட்டு திருமணத்தை சிறப்பாக நடத்தி முடிப்பீர்கள். பழைய கடனில் ஒருபகுதியை பைசல் செய்ய வழி பிறக்கும். எதிர்பார்த்த உதவிகள் வி.ஐ.பிகளிலிடமிருந்து கிடைக்கும். புண்ணிய ஸ்தலங்கள் சென்று வருவீர்கள்.

விவாதங்களில் வெற்றி பெறுவீர்கள். செவ்வாய் 5-ல் நிற்பதால் பிள்ளைகளால் மன உளைச்சல், அவர்களின் உயர்கல்வி, உத்யோகம் நினைத்த கவலைகள் வந்துச் செல்லும். கர்ப்பிணிப் பெண்கள் அதிக எடையுள்ள சுமைகளை தூக்க வேண்டாம். பூர்வீக சொத்தில் பிரச்னை வந்து விலகும். தாய்மாமா வகையில் அலைச்சல் இருக்கும்.

28-ந் தேதி முதல் ராசிநாதன் சுக்ரன் சாதகமாவதால் சோர்வு, களைப்பு நீங்கி உற்சாகமடைவீர்கள். பிரிந்திருந்த கணவன்-மனைவி ஒன்று சேருவீர்கள். என்றாலும் சனியுடன் இணைவதால் தோலில் நமைச்சல், கை, கால் வலி, சளித் தொந்தரவு வரும். சுகாதிபதி சூரியனும் சனியுடன் நிற்பதால் முதுகு வலி, ஹார்மோன் பிரச்னை, செரிமானக் கோளாறு வந்து நீங்கும். முன்கோபத்தால் நல்ல நண்பர்கள், உறவினர்களை இழக்க வேண்டி வரும்.

அரசு விவகாரங்களில் அலட்சியம் வேண்டாம். கன்னிப் பெண்களே! உங்களின் புது முயற்சிகளை பெற்றோர் ஆதரிப்பர். வியாபாரத்தில் போட்டிகளால் லாபம் குறையும். வேலையாட்கள், பங்குதாரர்களால் பிரச்னைகள் வெடிக்கும்.

உத்யோகத்தில் பொறுப்புகள் அதிகரிக்கும். சக ஊழியர்களுடன் ஈகோ பிரச்னைகள் வரக்கூடும். கலைத்துறையினர்களே! சம்பள விஷயத்தில் கறாராக இருங்கள். தன் பலம் பலவீனம் உணர்ந்து செயல்பட வேண்டிய வாரமிது. அதிஷ்ட தேதிகள்: 28, 29, 30 அதிஷ்ட எண்கள்: 3, 7 அதிஷ்ட நிறங்கள்: பிஸ்தாபச்சை, ப்ரவுன் அதிஷ்ட திசை: கிழக்கு.

மிதுனம்:பேதம் பார்க்காமல் எல்லோரிடமும் சமமாக பழகும் நீங்கள், ஆடம்பர வாழ்க்கைக்கு ஆசைப்பட மாட்டீர்கள். 27ந் தேதி வரை உங்கள் பூர்வ புண்யாதிபதி சுக்ரன் சாதகமாக இருப்பதால் சவாலான காரியங்களைக் கூட சாமர்த்தியமாக செய்து முடிப்பீர்கள்.

எதிர்பார்த்த பணம் வரும். கணவன்-மனைவிக்குள் மனம் விட்டு பேசுவீர்கள். குழந்தை பாக்யம் கிடைக்கும். வீடு கட்ட லோன் கிடைக்கும். சொந்த ஊரில் செல்வாக்குக் கூடும்.

28-ந் தேதி முதல் சுக்ரன் பலவீனமாவதால் காய்ச்சல், தொண்டைப் புகைச்சல், கணவன்-மனைவிக்குள் மோதல்களெல்லாம் வந்துப் போகும். 6-ல் சூரியன் வலுவாக நிற்பதால் பழைய வழக்கில் சாதகமான தீர்ப்பு வரும்.

அரசு காரியங்கள் சாதகமாக முடியும். பழைய கடனில் ஒரு பகுதியை பைசல் செய்வீர்கள். செவ்வாய் சாதகமாக இருப்பதால் திடீர் பணவரவு உண்டு. சகோதரங்களின் பாசப்பிணைப்பு அதிகரிக்கும். கௌரவப் பதவிகள் கிடைக்கும்.

தாயாரின் உடல் நலம் சீராகும். குரு 5-ம் வீட்டில் அமர்ந்திருப்பதால் வி.ஐ.பிகள், நாடாளுபவர்களின் நட்பு கிடைக்கும். ராசிநாதன் புதன் 6-ல் நிற்கும், சனியுடன் சேர்ந்து இருப்பதால் கழுத்து, இடுப்பு வலி வந்துப் போகும்.

ஒருவித அலுப்பும், சலிப்பும் வந்து நீங்கும். உறவினர், நண்பர்களுடன் உரிமையில் பேசிப் பெயரைக் கெடுத்துக் கொள்ளாதீர்கள். கன்னிப் பெண்களே! கல்யாண பேச்சு வார்த்தை கைக்கூடும்.

புது வேலைக் கிடைக்கும். வியாபாரத்தில் எதிர்பார்த்ததை விட லாபம் அதிகரிக்கும். வாடிக்கையாளர்களின் ரசனையைப் புரிந்துக் கொள்வீர்கள். உத்யோகத்தில் மேலதிகாரிகள் உங்கள் கோரிக்கையை ஏற்பர்.

சக ஊழியர்களால் பாராட்டப்படுவீர்கள். கலைத்துறையினரே! மூத்த கலைஞர்களின் நட்பை பெறுவீர்கள். சாதித்துக் காட்டும் வாரமிது. அதிஷ்ட தேதிகள்: 29, 30, 1 அதிஷ்ட எண்கள்: 2, 9 அதிஷ்ட நிறங்கள்: பிங்க், வெளிர்நீலம் அதிஷ்ட திசை: வடமேற்கு

கடகம்:தானுண்டு தன் வேலையுண்டு என்றிருக்கும் நீங்கள், எதிரிகளையும் சிந்திக்க வைக்கும் செயல்திறன் கொண்டவர்கள். யோகாதிபதி செவ்வாய் சாதகமான நட்சத்திரத்தில் சென்றுக் கொண்டிருப்பதால் எதிர்பார்த்த தொகை கைக்கு வரும். இழுபறியாக இருந்த வேலைகள் முடியும்.

கடனை நினைத்து கலங்காதீர்கள். விரைவில் வழி பிறக்கும். வேற்றுமதத்தினர், மொழியினரால் திருப்பம் உண்டாகும். அயல்நாடு செல்ல விசா கிடைக்கும். உடன்பிறப்புகள் ஒத்தாசையாக இருப்பார்கள். அரசியல்வாதிகள் உதவுவார்கள். சொத்து வாங்க முன் பணம் தருவீர்கள். வழக்கு சாதகமாக திரும்பும்.

தாய்வழியில் மதிப்பு, மரியாதைக் கூடும். 5-ல் நிற்கும் சனியுடன் சூரியனும் அமர்ந்திருப்பதால் பிள்ளைகள் பிடிவாதமாக இருப்பார்கள். கர்ப்பிணிப் பெண்கள் மருத்துவரின் ஆலோசனையின்றி எந்த மருந்தும் உட்கொள்ள வேண்டாம். 4-ல் குரு நீடிப்பதால் குடும்ப அந்தரங்க விஷயங்களை வெளியில் சொல்லி ஆறுதல் தேட வேண்டாம்.

யாரையும் தாக்கிப் பேச வேண்டாம். அரசுக்கு செலுத்த வேண்டிய வரிகளை உடன் செலுத்துங்கள். புதனும், சுக்ரனும் சாதகமான வீடுகளில் செல்வதால் உறவினர், நண்பர்கள் பக்கபலமாக இருப்பார்கள். நட்பு வட்டம் விரிவடையும். விலை உயர்ந்த வெள்ளிப் பொருட்கள் வாங்குவீர்கள். கன்னிப் பெண்களே! புதிதாக சில முக்கிய முடிவுகள் எடுப்பீர்கள்.

வியாபாரத்தில் கடினமாக உழைத்து லாபம் பெறுவீர்கள். வேலையாட்கள், பங்குதாரர்களுடன் போராட வேண்டி வரும். புது ஒப்பந்தங்களை யோசித்து ஏற்பது நல்லது. உத்யோகத்தில் உங்கள் உழைப்பிற்கு அங்கீகாரம் கிடைக்கவில்லையே என ஆதங்கப்படுவீர்கள்.

கலைத்துறையினரே! எதிர்பார்த்த ஒப்பந்தம் கையெழுத்தாகும். முயற்சியால் முன்னேறும் வாரமிது. அதிஷ்ட தேதிகள்: 1, 2 அதிஷ்ட எண்கள்: 7, 9 அதிஷ்ட நிறங்கள்: மயில்நீலம், மஞ்சள் அதிஷ்ட திசை: தெற்கு

சிம்மம்:போற்றுதலுக்கும், தூற்றுதலுக்கும் அஞ்சாத நீங்கள், யாருக்காகவும் தன் கொள்கைகளை மாற்றிக் கொள்ளாதவர்கள். கேது 6-ம் இடத்தில் வலுவாக நிற்பதால் எதையும் திட்டமிட்டு செய்வீர்கள்.

ராஜதந்திரமாகப் பேசுவீர்கள். வேலைக் கிடைக்கும். தினந்தோறும் எதிர்பார்த்து ஏமாந்த தொகை கைக்கு வரும். பாதிபணம் தந்து முடிக்காமல் இருந்த சொத்தை மீதிப் பணம் தந்து பத்திரப் பதிவு செய்வீர்கள்.

குடும்பத்தில் நல்லது நடக்கும். புதிதாக வீடு, மனை வாங்குவீர்கள். சுக்ரனும், புதனும் சாதகமான வீடுகளில் செல்வதால் பிள்ளைகள் உங்கள் பேச்சிற்கு மதிப்பளிப்பார்கள். மனைவிவழியில் மதிப்பு, மரியாதைக் கூடும். புது வீட்டிற்கு மாறுவீர்கள். புதியவர்கள் நண்பர்களாவார்கள். பூர்வீக சொத்துப் பிரச்னைக்கு சுமுக தீர்வு காண்பீர்கள்.

வெளியூர் பயணங்களால் அலைச்சல் இருந்தாலும் ஆதாயமும் உண்டு. சொந்த-பந்தங்கள் உங்களைப் பாராட்டும்படி நடந்துக் கொள்வீர்கள். நீண்ட நாள் பிரார்த்தனைகளை நிறைவேற்றுவீர்கள்.

ராசிநாதன் சூரியன் சனியுடன் நிற்பதால் டென்ஷன், படபடப்பு, விபத்து வந்துப் போகும். யாருக்கும் கேரண்டர் கையெழுத்திட வேண்டாம். கன்னிப் பெண்களே! உயர்கல்வியில் ஆர்வம் பிறக்கும். பெற்றோர் ஒத்துழைப்பார்கள்.

வியாபாரத்தில் புது இடத்திற்கு கடையை மாற்றுவீர்கள். அனுபவமிக்க வேலையாட்களை தேடுவீர்கள். பங்குதாரர்கள் மதிப்பார்கள். உத்யோகத்தில் சக ஊழியர்களுடன் கவனமாகப் பழகுங்கள். கலைத்துறையினரே! உங்களுடைய படைப்புகளுக்கு நல்ல வரவேற்புக் கிடைக்கும். சின்ன சின்ன ஆசைகள் நிறைவேறும் வாரமிது.

அதிஷ்ட தேதிகள்: 3 அதிஷ்ட எண்கள்: 2, 8 அதிஷ்ட நிறங்கள்: க்ரீம்வெள்ளை, ரோஸ் அதிஷ்ட திசை: தென்கிழக்கு.

கன்னி:விட்டுக் கொடுக்கும் மனசு கொண்ட நீங்கள், எல்லோரையும் அன்பால் அரவணைப்பவர்கள். உங்கள் தன-பாக்யாதிபதி சுக்ரன் சாதகமான நட்சத்திரங்களில் சென்றுக் கொண்டிருப்பதால் சமயோஜித புத்தியால் சாதிப்பீர்கள்.

எதிர்பார்த்த பணம் வரும். வீடு வாங்கும் முயற்சியில் முன்னேற்றம் உண்டு. வங்கிக் கடன் கிடைக்கும். தந்தைவழி சொத்து கிட்டும். குடும்பத்தில் சில முக்கிய பொறுப்புகள் உங்கள் கைக்கு மாறும். மகளுக்கு நல்ல வரன் அமையும்.

உறவினர் வீட்டு விசேஷங்களை முன்னின்று நடத்தி முதல் மரியாதை பெறுவீர்கள். பழுதாகிக் கிடந்த வாகனத்தை மாற்றுவீர்கள். சூரியன் 3-ல் அமர்ந்திருப்பதால் அதிகாரப் பதவியில் இருப்பவர்கள் அறிமுகமாவார்கள். கௌரவப் பதவிகள் தேடி வரும். வழக்கில் வெற்றி பெறுவீர்கள். தைரியமாக முக்கிய முடிவுகள் எடுப்பீர்கள்.

ஆன்மீகப் பயணம் சென்று வருவீர்கள். சனிபகவான் 3-ல் வலுவாக அமர்ந்திருப்பதால் ஹிந்தி, தெலுங்கு பேசுபவர்களால் ஆதாயம் உண்டு. ஷேர் மூலம் பணம் வரும். 1-ந் தேதி வரை செவ்வாய் ராசிக்குள் நிற்பதால் ஒருவித படபடப்பு வந்துப் போகும். சேமிப்புகள் கரையும். சகோதரங்கள் உங்களைத் தவறாகப் புரிந்துக் கொள்வார்கள். யாருக்கும் ஜாமீன், கேரண்டர் கையெழுத்திட வேண்டாம்.

உங்கள் ராசிநாதன் புதன் சனியுடன் நிற்பதால் உத்யோகத்தில் பனிப்போர், கண், காது வலி, தொண்டைப் புகைச்சல் வந்து நீங்கும். உறவினர்கள், நண்பர்கள் உங்களைப் புரிந்துக் கொள்ளாமல் உதவிக் கேட்டு தொந்தரவு தருவார்கள். கன்னிப் பெண்களே! தவறான எண்ணங்களுடன் பழகியவர்களை ஒதுக்கித் தள்ளுவீர்கள்.

வியாபாரத்தில் திடீர் லாபம் உண்டாகும். வாடிக்கையாளர்களை கவர சலுகைகளை அறிவிப்பீர்கள். உத்யோகத்தில் தலைமைக்கு நெருக்கமாவீர்கள். கலைத்துறையினரே! உங்களுடைய படைப்புத் திறன் வளரும். எதிர்பாராத வெற்றி பெறும் வாரமிது. அதிஷ்ட தேதிகள்: 29 அதிஷ்ட எண்கள்: 4, 6 அதிஷ்ட நிறங்கள்: இளம்சிவப்பு, கிரே அதிஷ்ட திசை: மேற்கு

துலாம்:தோல்வி என்பது வெற்றிக்கான ஏணிப்படி தான் என்பதை உணர்ந்த நீங்கள், கடின உழைப்பாளிகள். உங்கள் ராசிநாதன் சுக்ரன் 27-ந் தேதி வரை ராசியிலேயே ஆட்சிப் பெற்று அமர்ந்திருப்பதால் புதிய முயற்சிகள் பலிதமாகும். எதிர்ப்புகள் நீங்கும். குடும்பத்தில் கலகலப்பான சூழல் உருவாகும்.

ஆடை, அணிகலன்கள் சேரும். வாகனப் பழுதை சரி செய்வீர்கள். திருமணம், சீமந்தத்தை முன்னின்று நடத்துவீர்கள். ஆனால் 28-ந் தேதி முதல் சுக்ரன் சனியுடன் சேர்வதால் சையனஸ் இருப்பதைப் போன்ற தலை வலி, கழுத்தில் கட்டி, அலர்ஜி வந்துப் போகும். சூரியனும், புதனும் சனியுடன் நிற்பதால் தந்தையின் உடல் நலம் பாதிக்கும். அவருடன் கருத்து மோதல்கள் வந்துச் செல்லும்.

கண், பல் வலி வந்து நீங்கும். வழக்கில் வழக்கறிஞரை மாற்ற வேண்டி வரும். புண்ணிய ஸ்தலங்கள் செல்வீர்கள். மனம் ஆறுதல் அடையும். அரசு காரியங்கள் தாமதமாக முடியும். 2-ந் தேதி முதல் செவ்வாய் ராசிக்குள் நுழைவதால் முன்கோபம், இரத்த அழுத்தம், சகோதர வகையில் சங்கடங்கள், சொத்து சிக்கல்களெல்லாம் வரக்கூடும்.

ராகு, கேது சாதகமாக இல்லாததால் சிறுசிறு விபத்து, காயங்கள், மறைமுக எதிர்ப்புகள், வேலைச்சுமை, உத்யோகத்தில் இடமாற்றமெல்லாம் வந்துச் செல்லும். கன்னிப்பெண்களே! காதல் கைகூடும். வியாபாரத்தில் அனுபவ அறிவை பயன்படுத்தி லாபம் ஈட்டுவீர்கள். புது ஒப்பந்தம் தள்ளிப் போகும். வேலையாட்களிடம் தொழில் ரகசியங்களை சொல்லிக் கொண்டிருக்க வேண்டாம்.

உத்யோகத்தில் கூடுதல் நேரம் ஒதுக்கி வேலைப் பார்க்க வேண்டி வரும். அதிகாரிகளுடன் மோதல்கள் வந்துச் செல்லும். கலைத்துறையினரே! உங்களுடைய திறமைகளை வெளிப்படுத்த முயற்சி செய்யுங்கள். தடைகளை தாண்டும் வாரமிது. அதிஷ்ட தேதிகள்: 29, 30, 1 அதிஷ்ட எண்கள்: 1, 5 அதிஷ்ட நிறங்கள்: மயில்நீலம், ஊதா அதிஷ்ட திசை: வடக்கு

விருச்சிகம்:விரிவான சிந்தனையும், வேடிக்கையானப் பேச்சும், வினோதப் போக்கும் கொண்ட நீங்கள், நாலும் அறிந்தவர்கள். ராசிநாதன் செவ்வாய் 1-ந் தேதி வரை லாப வீட்டில் தொடர்வதால் போராட்டங்களையும் தாண்டி முன்னேறுவீர்கள்.

பெரிய பதவியில் இருப்பவர்கள் உதவுவார்கள். குடும்பத்தினர் உங்கள் ஆலோசனையை ஏற்பர். பிள்ளைகள் உங்களின் உண்மையான பாசத்தை உணருவார்கள். புது இடம் வாங்குவது குறித்து யோசிப்பீர்கள்.

சகோதரங்கள் மனம் விட்டு பேசுவார்கள். சுக்ரன் சாதகமாகயிருப்பதால் இங்கிதமாகப் பேசத் தொடங்குவீர்கள். கொடுத்தப் பணத்தையும் நாசூக்காகப் பேசி வசூலிப்பீர்கள். வெளிவட்டாரத்தில் அந்தஸ்து உரும்.

கல்யாண முயற்சியில் முன்னேற்றம் இருக்கும். உங்கள் ரசனைக் கேற்ற வீடு அமையும். சிலர் திடீரென வீடு மாற வேண்டி வரும். ஜென்மச் சனி நீடிப்பதால் குடும்ப விஷயங்களை விளம்பரப்படுத்திக் கொண்டிருக்காதீர்கள். திடீரென்று அறிமுகமாகுபவர்களை வீட்டிற்குள் அழைத்து வர வேண்டாம்.

முன்னரே கையெப்பமிட்டு வங்கிக் காசோலைகளை வைத்துக் கொள்ள வேண்டாம். ராசிக்குள் சூரியன் நிற்பதால் சோர்வு, களைப்பு வந்து நீங்கும். தந்தையின் உடல் நலம் பாதிக்கும். கன்னிப் பெண்களே! புதியவர்களின் நட்பால் ஆதாயமடைவீர்கள். வியாபாரத்தில் வாடிக்கையாளர்களின் ரசனையை புரிந்துகொண்டு அதற்கேற்ப சில மாற்றங்களைச் செய்யுங்கள். வேலையாட்கள் உதவுவார்கள்.

உத்யோகத்தில் இடமாற்றம் ஏற்படும். அதிகாரிகளிடம் வளைந்துக் கொடுத்துப் போவது நல்லது. கலைத்துறையினரே! விமர்சனங்களையும் தாண்டி முன்னேறுவீர்கள். விடாமுயற்சியால் வெற்றி பெறும் வாரமிது. அதிஷ்ட தேதிகள்: 1, 2, 3 அதிஷ்ட எண்கள்: 3, 5 அதிஷ்ட நிறங்கள்: வெளிர்நீலம், கிரே அதிஷ்ட திசை: கிழக்கு

தனுசு:எப்போதும் நியாயத்திற்காக போராடும் நீங்கள், மனசாட்சியை முக்கிய சாட்சியாக நினைப்பவர்கள். ராசிநாதன் குரு வலுவாக இருப்பதால் தொட்ட காரியங்கள் துலங்கும். அசாத்தியமான துணிச்சல் அதிகரிக்கும்.

வீரியத்தை விவாதத்தை விட காரியத்தில் கண்ணாக இருப்பீர்கள். புண்ணிய ஸ்தலங்கள் சென்று வருவீர்கள். எதிர்பார்த்த பணம் வரும். குடும்பத்தில் உங்கள் கை ஓங்கும். ஷேர் லாபம் தரும். பழைய கடனில் ஒரு பகுதியை பைசல் செய்வதற்கு முயல்வீர்கள். செவ்வாய் சாதகமாக இருப்பதால் பிள்ளைகள் பொறுப்பாக இருப்பார்கள்.

மகளுக்கு நல்ல வரன் அமையும். மகனுக்கு வெளி நாடு செல்ல வாய்ப்பு வரும். இளைய சகோதரியின் திருமணத்தை முன்னின்று நடத்துவீர்கள். சகோதரரின் பிரச்னையை தீர்த்து வைப்பீர்கள். பழைய சொந்த-பந்தங்கள் தேடி வருவார்கள்.

அரசாங்கத்தால் ஆதாயம் உண்டு. விலை உயர்ந்த ஆபரணங்கள் வாங்குவீர்கள். ஆனாலும் பாக்யாதிபதி சூரியன் சனியுடன் 12-ல் நிற்பதால் அடுத்தடுத்து செலவுகளும், வீண் டென்ஷனும் இருக்கும். தந்தையின் உடல் நலத்தில் கவனம் தேவை.

சிறுசிறு விபத்துகள் வந்து நீங்கும். புதன் 12-ல் நிற்பதால் மனைவிக்கு கர்ப்பப்பை கோளாறு, அலைச்சல் இருக்கும். பூர்வீக சொத்துப் பிரச்னைக்கு சுமுக தீர்வு காண்பது நல்லது. உறவினர்கள், நண்பர்களால் சில நெருக்கடிகளை சந்திக்க நேரிடும்.

கன்னிப் பெண்களே! தடைப்பட்ட உயர்கல்வியை தொடர்வீர்கள். வியாபாரத்தில் தேங்கிக் கிடந்த சரக்குகளை சாமார்த்தியமாக விற்றுத் தீர்ப்பீர்கள். முரண்டு பிடித்த வேலையாட்கள் இனி உங்களை புரிந்து நடப்பார்கள். உத்யோகத்தில் உயரதிகாரிகளின் ராஜதந்திரத்தை உடைத்தெறிவீர்கள். சக ஊழியர்களை அன்பால் உங்கள் கட்டுப்பாட்டுக்குள் கொண்டு வருவீர்கள்.

கலைத்துறையினரே! பெரிய நிறுவனங்கள் உங்களை அழைத்துப் பேசும். தொடர் உழைப்பால் தொடங்கியதை முடிக்கும் வாரமிது. அதிஷ்ட தேதிகள்: 27, 2, 3 அதிஷ்ட எண்கள்: 2, 4 அதிஷ்ட நிறங்கள்: ஆரஞ்சு, சில்வர்கிரே அதிஷ்ட திசை: மேற்கு

மகரம்:தடைகற்களை படிக்கட்டுகளாக்கி முன்னேறும் நீங்கள் ஆரவாரமில்லாமல் சாதிப்பவர்கள். உங்கள் மீதான நம்பிக்கை கொஞ்சம் குறையும். வருங்காலத்தை நினைத்து அவ்வப்போது அச்சப்படுவீர்கள்.

கவலைப்படாதீர்கள். சூரியன், புதன், சனி ஆகிய மூன்று கோள்கள் பதினோராவது வீட்டில் நிற்பதால் கேட்ட இடத்தில் ஓரளவு பணம் கிடைக்கும். குடும்பத்தில் அமைதி நிலவும். பிள்ளைகள் நல்ல வழிக்கு திரும்புவார்கள்.

மூத்த சகோதரர் உதவுவார். ஆனால் இளைய சகோதர வகையில் அலைச்சல், டென்ஷன் வந்துப் போகும். அரசால் ஆதாயம் உண்டு. வெளிவட்டாரத்தில் மதிக்கப்படுவீர்கள். சிலருக்கு வேலைக் கிடைக்கும்.

சுக்ரன் சாதகமாக இருப்பதால் உறவினர் வீட்டு திருமணம், காது குத்து நிகழ்ச்சிகளை முன்னின்று நடத்துவீர்கள். தடைப்பட்ட திருமணப் பேச்சு நல்ல விதத்தில் முடியும். எதையும் எதிர்த்து நின்று போராட சக்தி கிடைக்கும். வழக்கில் அலட்சியம் வேண்டாம். சந்திரன் சாதகமான வீடுகளில் செல்வதால் சமயோஜித புத்தியால் சாதிப்பீர்கள். கன்னிப் பெண்களே! பெற்றோரின் ஒத்துழைப்பு அதிகரிக்கும்.

வியாபாரத்தில் லாபத்தை பெருக்க நவீன விளம்பர யுக்திகளை கையாளுவீர்கள். புது வாடிக்கையாளர்கள் அறிமுகமாவார்கள். உத்யோகத்தில் கூடுதலாக வேலைப் பார்க்க வேண்டி வரும். சக ஊழியர்களை குறைக் கூறிக் கொண்டிருக்க வேண்டாம்.

கலைத்துறையினரே! உங்களை சிலர் விமர்சித்துப் பேசிக் கொண்டுதான் இருப்பார்கள். அதையும் தாண்டி முன்னேறுவீர்கள். முன்கோபத்தை தவிர்ப்பதால் மகிழ்ச்சி பொங்கும் வாரமிது. அதிஷ்ட தேதிகள்: 29, 30, 1 அதிஷ்ட எண்கள்: 2, 8 அதிஷ்ட நிறங்கள்: பிஸ்தாபச்சை, நீலம் அதிஷ்ட திசை: தெற்கு

கும்பம்:தும்பைப்பூ போல இளகிய மனசுள்ள நீங்கள், மற்றவர்களின் துன்பம் கண்டு பொறுக்கமாட்டீர்கள். உங்களின் பிரபல யோகாதிபதி சுக்ரன் சாதகமாக நிற்பதால் பணம் எதிர்பார்த்த வகையில் வரும்.

வி.ஐ.பிகளின் தொடர்பு கிடைக்கும். ஷேர் மூலம் பணம் வரும். வீடு வாங்குவது, கட்டுவது சாதகமாக அமையும். குடும்பத்தில் நிம்மதி உண்டு. பிரிந்திருந்தவர்கள் ஒன்று சேர்வீர்கள். பிள்ளைகளை உற்சாகப்படுத்த கேட்டதை வாங்கித் தருவீர்கள்.

மூத்த சகோதரங்கள் மதிப்பார்கள். சூரியனும், புதனும் 10-ல் நிற்பதால் வேலையில்லாமல் தவித்தவர்களுக்கு வேலைக் கிடைக்கும். தந்தை வழியில் உதவிகள் கிட்டும். பதவிகள் தேடி வரும். அரசாங்க அதிகாரிகளின் நட்பு கிடைக்கும். உறவினர்கள், நண்பர்கள் மதிப்பார்கள். பூர்வீக சொத்தை மாற்றியமைப்பீர்கள்.

அரசால் அனுகூலம் உண்டு. அயல்நாடு செல்ல விசா கிடைக்கும். கன்னிப் பெண்களே! பெற்றோருக்கு சில ஆலோசனைகள் வழங்கவீர்கள். ஆடை, ஆபரணம் சேரும். வியாபாரத்தில் அதிரடி லாபம் உண்டு. புது வேலையாட்களை பணியில் அமர்த்துவீர்கள். வெளிநாட்டு நிறுவனங்களுடன் புது ஒப்பந்தங்கள் செய்வீர்கள்.

உத்யோகத்தில் உங்களின் திறமைகள் வெளிப்படும். சக ஊழியர்களுக்கு உதவுவீர்கள். கலைத்துறையினரே! கௌரவிக்கப்படுவீர்கள். பழைய பிரச்னைகளிலிருந்து விடுபடும் வாரமிது. அதிஷ்ட தேதிகள்: 29, 30, 1 அதிஷ்ட எண்கள்: 4, 5 அதிஷ்ட நிறங்கள்: பிங்க், மஞ்சள் அதிஷ்ட திசை: வடகிழக்கு

மீனம்:சுதந்திர மனப்பான்மையும், சுய ஒழுக்கமும் உடைய நீங்கள், எப்பொழுதும் மற்றவர்களுக்கு முன் உதாரணமாக வாழ்வீர்கள்.கேது லாப வீட்டில் நிற்பதால் மறைமுக எதிரிகளால் ஆதாயமடைவீர்கள். உங்களின் நட்பு வட்டம் விரியும்.

உலக நடப்புக் கேற்ப உங்களையும் கொஞ்சம் மாற்றிக் கொள்வீர்கள். வழக்கால் இருந்த டென்ஷன் விலகி வெற்றி கிட்டும். பெரிய பதவிகள் தேடி வரும். குடும்பத்தாரின் ஒத்துழைப்பு அதிகரிக்கும். பிள்ளைகளின் போக்கில் நல்ல மாற்றம் உண்டாகும். மூத்த சகோதரங்களால் செலவினங்கள் இருந்தாலும் நிம்மதி உண்டு.

கனிவாகப் பேசி காரியம் சாதிப்பீர்கள். அதிகாரப் பதவியில் இருப்பவர்கள் உதவுவார்கள். வீடு, மனை, வாகனம் அமையும். மகளின் திருமணத்தை சிறப்பாக நடத்த எண்ணுவீர்கள். நீண்ட நாள் பிரார்த்தனைகளை நிறைவேற்றுவீர்கள்.

சூரியன் 9-ல் சனியுடன் நிற்பதால் பழைய கடன் தீர்க்க வழி பிறக்கும். ஆனால் தந்தையாருடன் மனக்கசப்பு, அவருக்கு மருத்துவச் செலவுகள் வந்துப் போகும். அநாவசியச் செலவுகளை தவிர்க்கப்பாருங்கள்.

சுக்ரன் சாதகமாக இருப்பதால் புது வேலை அமையும். திடீர் பயணங்கள் உண்டு. விரும்பியப் பொருட்களை வாங்கி மகிழ்வீர்கள். வீட்டை புதுப்பிக்க திட்டமிடுவீர்கள். கன்னிப் பெண்களே! விடுபட்ட பாடத்தை மீண்டும் எழுதி தேர்ச்சி பெறுவீர்கள். வியாபாரத்தில் சில தந்திரங்களை கற்றுக் கொள்வீர்கள்.

வேலையாட்களை தட்டிக் கொடுத்து வேலை வாங்குங்கள். உத்யோகத்தில் சக ஊழியர்களால் அலைக்கழிக்கப்படுவீர்கள். கலைத்துறையினரே! சம்பள பாக்கி கைக்கு வரும். அநாவசியச் செலவுகளை குறைக்க வேண்டிய வாரமிது. அதிஷ்ட தேதிகள்: 1, 2, 3 அதிஷ்ட எண்கள்: 5, 7 அதிஷ்ட நிறங்கள்: வைலெட், க்ரீம்வெள்ளை அதிஷ்ட திசை: கிழக்கு