ரூபாவின் பெறுமதி அதிகரிப்பு – இன்றைய வெளிநாட்டு நாணய மாற்று விகிதம்

ரூபாவின் பெறுமதி அதிகரிப்பு

அமெரிக்க டொலருடனான ஒப்பீட்டில் இலங்கை ரூபாவின் பெறுமதி நான்கரை சதவீதத்தால் வலுவடைந்துள்ளதை சர்வதேச நிதிச்சந்தை நிலவரங்கள் சுட்டிக்காட்டுகின்றன.

அரச பிணைமுறிகள் மீதான உள்நாட்டு – வெளிநாட்டு முதலீடுகள் அதிகரித்தமை, சுற்றுலாத்துறை வருமானங்கள் உயர்ந்தமை, வெளிநாட்டிலிருந்து கிடைத்த நிதி பாய்ச்சல்கள் போன்றவை ரூபாவின் பெறுமதி அதிகரிப்பதற்குக் காரணமாகும். கடந்த ஜனவரி முதலாம் திகதி தொடக்கம் மார்ச் 31ஆம் திகதிவரை ரூபாவின் பெறுமதி மூன்று தசம் ஒன்பது சதவீதத்தால் அதிகரித்திருந்தது. அது நேற்று நான்கரை சதவீத வளர்ச்சியை பதிவுசெய்துள்ளது.