ஆட்சி மாற்றம் ஏற்பட்டால் ரணிலிற்கு சிறை உறுதி

ஆட்சி மாற்றம் ஏற்பட்டால் ரணிலிற்கு சிறை உறுதி

நாட்டில் ஆட்சி மாற்றம் ஏற்­பட்டால் தான் சிறை­செல்ல நேரிடும் என்­பதை அறிந்தே பிர­தமர் ரணில் விக்கி­ர­ம­சிங்க கோத்­த­பாய ராஜ­பக் ஷ­விற்கு எதி­ராக பல சட்ட சிக்­கல்­களை ஏற்­ப­டுத்­தி­யுள்ளதாக பாரா­ளு­மன்ற உறுப்­பினர் மஹிந்த யாப்பா அபே­வர்­தன தெரி­வித்துள்ளார்.

எனினும் தாம் அனைத்து சவால்­க­ளையும் எதிர் கொண்டு மாற்று வழி­களை பிர­யோ­கித்து ஜனா­தி­பதி தேர்­தலில் வெற்றி பெறுவோம் எனவும் அவர் குறிப்பிட்டுள்ளார்.

பொது­ஜன பெர­மு­னவின் தலைமை காரி­யா­ல­யத்தில் நேற்று இடம் பெற்ற ஊட­க­வி­ய­லாளர் சந்­திப்பில் கலந்துக் கொண்டபோதே அவர் இதனை கூறியுள்ளார்.

அத்துடன் ஐ. தே. கட்­சியின் முழு ஒத்­து­ழைப்­பு­ட­னேயே மத்­திய வங்­கியின் பிணை­முறி மோசடி இடம் பெற்­றதாக கூறிய அவர், அமைச்­ச­ர­வையில் உள்ள பெரும்­பா­லானோர் இந்த ­மோ­ச­டி­யுடன் தொடர்­புப்­பட்­ட­வர்கள் எனவும் குறிப்பிட்டுள்ளார்.

அவர்­களே இன்று சஜித் பிரே­ம­தா­ஸ­விற்கு ஆத­ர­வாக அணி­தி­ரண்­டுள்­ளதாகவும், சஜித் பிரே­ம­தாஸ இது­வ­ரை குறித்த மோசடி தொடர்பில் எவ்­வித கருத்­துக்­க­ளையும் தெரி­விக்­க­வில்லை எனவும், அவ்­வாறு தெரி­வித்தால் அவருக்கு கட்­சியின் ஆத­ரவு கிடைக்­காது என்றும் கூறியுள்ளார்.

இந்த நிலையில் மஹிந்த ராஜ­ப­க்ஷவின் ஆட்சி தோற்றம் பெற்றால் மத்­திய வங்­கியின் முன்னாள் ஆளுநர் அர்­ஜுன மகேந்­திரன் நாட்­டுக்கு அழைத்து வரப்­பட்டு, தான் சிறை செல்ல நேரிடும் என்­பதை அறிந்தே பிர­தமர் கோத்­த­பய ராஜ­ப­க்ஷ­விற்கு எதி­ராக பல சட்ட சிக்­கல்­களை மேற்­கொண்­டுள்ளதாகவும் அவர் தெரிவித்துள்ளார்.

இதேவேளை இதேபோல முன்னாள் பிர­தமர் சிறி­மாவோ பண்­டார நாயக்­கவின் குடி­யு­ரி­மை­யினை ரத்து செய்­வ­தற்­கான அர­சியல் சூழ்ச்­சி­யினை ஐக்­கிய தேசிய கட்சி மேற்கொண்டதாகவும் சுட்டிக்காட்டிய அவர் , அதன் தொடர்ச்சியே தற்போதும் முன்னெடுக்கப்படுவதாகவும் கூறியுள்ளார்.

இவ்வாறான நிலையில் மாற்று வழியினை பிரயோகித்தாவது பொதுஜன பெரமுன ஜனாதிபதி தேர்தலில் வெற்றிப் பெற்று தகுந்த பாடம் கற்பிக்கும் பிரதமருக்கு கற்பிக்கும் எனவும் மஹிந்த யாப்பா அபே­வர்­தன தெரி­வித்துள்ளமை குறிப்பிடத்தக்கது.