இன்று ஒரே மேடையில் கூடவுள்ள ஜனாதிபதி வேட்பாளர்கள்

இன்று ஒரே மேடையில் கூடவுள்ள ஜனாதிபதி வேட்பாளர்கள்

ஜனாதிபதி தேர்தலில் போட்டியிடும் வேட்பாளர்களிடம் ஒரே மேடையில் உறுதிமொழி பெறும் நிகழ்ச்சி ஒன்று இன்று நடாத்த திட்டமிடப்பட்டுள்ளது.

இந்த நிகழ்வை மார்ச் 12 இயக்கம் மற்றும் எப்ரியல் இளைஞர் வலையமைப்பு இணைந்து ஏற்பாடு செயதுள்ளதாக பெப்ரல் அமைப்பின் நிறைவேற்று அதிகாரி ரோஹன ஹெட்டியாராச்சி தெரிவித்துள்ளார்.

எதிர்வரும் ஜனாதிபதி தேர்தலில் போட்டியிடும் முன்னணி வேட்பாளர்களை தெரிவு செய்து சுகததாச மைதானத்திற்கு அழைத்து மக்களைப் பாதிக்கும் பொதுவான 5 பிரச்சினைகள் தொடர்பில் வேட்பாளர்களின் தீர்வுகள் குறித்து வினவப்படவுள்ளதாகவும் அவர் குறிப்பிட்டுள்ளார்.

அத்துடன் குறித்த கேள்விகள் கடந்த சில வாரங்களில் பல்வேறு தரப்பினர் மற்றும் பொதுமக்களால் அனுப்பி வைக்கப்பட்டுள்ளதாகவும், விசேட குழு மூலமாக இந்த வினாக்கள் தேர்ந்தெடுக்கப்பட்டுள்ளதாகவும் அவர் கூறியுள்ளார்.

இதன்போது, ஒவ்வொரு வேட்பாளர்களிடமும் 6 வினாக்கள் வினவப்படவுள்ள நிலையில், அனைவருக்கும் சமமான நேரம் வழக்கப்படும் எனவும் ரோஹன ஹெட்டியாராச்சி தெரிவித்துள்ளார்.

இதேவேளை குறித்த 6 வினாக்களில் 5 வினாக்கள் ஏற்கனவே வழங்கப்பட்டுள்ளதாகவும் அவர் கூறியுள்ளார்.

இறுதி வினா தோராயமாக ​வேட்பாளர்களாலேயே தேர்வு செய்ய வாய்ப்பு கொடுக்கப்பட்டுள்ளதோடு, இறுதியாக மூன்று நிமிடங்கள் திறந்த நேரமொன்று அனைத்து வேட்பாளர்களுக்கும் வழஙகப்படும் எனவும் அவர் குறிப்பிட்டுள்ளார்.

மேலும் குறித்த நிகழ்ச்சித்திட்டத்தை நேரடியாக ஒளிபரப்பு திட்டமிடப்பட்டுள்ளதாகவும் பெப்ரல் அமைப்பின் நிறைவேற்று அதிகாரி ரோஹன ஹெட்டியாராச்சி தெரிவித்துள்ளமை குறிப்பிடத்தக்கது.