ஆர்.கே.நகர் தொகுதியில் போட்டியிடும் தி.மு.க.வேட்பாளரை ஆதரித்து தமிழக முன்னாள் காங்கிரஸ் தலைவர் இளங்கோவன் பிரசாரம்

ஆர்.கே.நகர் தொகுதியில் போட்டியிடும் தி.மு.க. வேட்பாளர் மருது கணேஷை ஆதரித்து தமிழக முன்னாள் காங்கிரஸ் தலைவர் இளங்கோவன் பிரசாரத்தில் ஈடுபட்டார்.

ஆர்.கே.நகர் தொகுதியில் போட்டியிடும் தி.மு.க. வேட்பாளர் என்.மருதுகணேசை ஆதரித்து 42,47வது வட்டம் சந்திப்பு, கொருக்குப்பேட்டை, மன்னப்ப முதலி தெருவில் நேற்று மாலை 7 மணி அளவில் பிரச்சார பொதுக்கூட்டம் நடைபெற்றது. கூட்டத்துக்கு மாவட்ட காங்கிரஸ் தலைவர் இரா.மனோகர் தலைமை வகித்தார்.

இக்கூட்டத்தில் முன்னாள் தமிழ்நாடு காங்கிரஸ் கமிட்டி தலைவர் ஈ.வி.கே.எஸ். இளங்கோவன், தமிழ்நாடு காங்கிரஸ் கமிட்டி பொருளாளர் நாசே.ராமச்சந்திரன், தி.மு.க. துணை பொதுச் செயலாளர் ஐ.பெரியசாமி, மாவட்ட செயலாளர் எஸ்.சுதர்சனம், சட்டமன்ற கொறடா அர.சக்கரபாணி, எம்.எல்.ஏ.க்கள் ஐ.பி.செந்தில் குமார், தாயகம்கவி,கே.எஸ்.மூர்த்தி, நாமக்கல் மாவட்ட தி.மு.க. கழக பொறுப்பாளர் பார்.இளங்கோவன் மற்றும் மத்திய சென்னை மாவட்டத்தலைவர் என்.ரங்கபாஷியம், சர்க்கிள் தலைவர் பாபு, வட்டத்தலைவர் கே.சீமான் செல்வராஜ், ஆர்.சந்திரசேகர் ஆகியோர் கலந்து கொண்டனர்.