டிசம்பர் மாத ராசி பலன்கள் 2017

மேஷம்: தாயின் பெருமையை முழுமையாக எழுத எழுதுகோல் இல்லை என்பதை உணர்ந்தவர்களே! சுக்ரன் சாதகமான நட்சத்திரங்களில் சென்றுக் கொண்டிருப்பதால் புதிய முயற்சிகள் நல்ல விதத்தில் முடியும்.

பணம் எதிர்பார்த்தபடி வரும். குடும்பத்தில் மகிழ்ச்சி தங்கும். அரைக்குறையாக நின்ற வீடு கட்டும் பணியை தொடங்க வங்கிக் கடன் உதவி கிடைக்கும். வீடு கட்ட ப்ளான் அப்ரூவலாகும். விலை உயர்ந்த மின்சார சாதனங்கள் வாங்குவீர்கள். 2-ந் தேதி முதல் செவ்வாய் 7-ல் அமர்ந்து உங்களுடைய ராசியைப் பார்க்கயிருப்பதால் உடல் உஷ்ணத்தால் வேனல் கட்டி வந்துப் போகும். அவ்வப்போது உணர்ச்சிவசப்படுவீர்கள்.

கணவன்-மனைவிக்குள் சின்ன சின்ன சச்சரவுகள் வரக்கூடும். மனைவிக்கு அடிவயிற்றில் வலி, முதுகு வலி, மூட்டு வலி வந்துப் போகும். குருபகவான் வலுவாக இருப்பதால் அனுபவப் பூர்வமாகப் பேசி காரியம் சாதிப்பீர்கள். பேச்சிலே முதிர்ச்சி தெரியும். பிரபலங்கள் ஆதரவாக இருப்பார்கள். ஆன்மிகத்தில் ஈடுபாடு அதிகரிக்கும். திருமணம் தள்ளிப் போனவர்களுக்குக் கூடி வரும். மனைவிவழியில் மதிப்புக் கூடும்.

நிழல் கிரகங்களான ராகு, கேது சாதகமாக இல்லாததால் வீண் சந்தேகம், வேலைச்சுமை அதிகரிக்கும். தலைச்சுற்றல், வாந்தி, நாக்கில் புண் ஏற்படும். வாயு பதார்த்தங்களை தவிர்ப்பது நல்லது. 19-ந் தேதி முதல் சனி 9-ம் இடத்தில் அமர்வதால் இனி போராட்டங்கள், தோல்விமனப்பான்மையிலிருந்து விடுபடுவீர்கள். நீண்ட காலமாக தடைப்பட்டு, தள்ளிப் போன வேலைகளையெல்லாம் விரைந்து முடிப்பீர்கள்.

சோர்வு நீங்கி சுறுசுறுப்பாவீர்கள். கணவன்-மனைவிக்குள் இருந்து வந்த பிணக்குகள் நீங்கும். சில முக்கிய முடிவுகளெல்லாம் எடுப்பீர்கள். கன்னிப் பெண்களே! சாதிக்க வேண்டுமென்ற எண்ணம் வரும். வியாபாரத்தில் கூடுதல் லாபம் கிடைக்கும். பழைய சரக்குகளை தள்ளுபடி விலைக்கே விற்றுத் தீர்ப்பீர்கள். உத்யோகத்தில் இடமாற்றம் உண்டு. தேவையற்ற விவாதங்களை தவிர்ப்பது நல்லது. சக ஊழியர்களை அனுசரித்துப் போங்கள். கடின உழைப்பாலும், மாறுபட்ட யோசனைகளாலும் முன்னேறும் மாதமிது.

ரிஷபம்: ஆக்கும் சக்தியும், அன்பால் அடக்கும் சக்தியும் மிக்கவர்களே! உங்கள் ராசிக்கு 3-ம் வீட்டில் ராகு பலம் பெற்று அமர்ந்திருப்பதால் பெரிய திட்டங்கள் தீட்டுவீர்கள். எதிரிகளை வீழ்த்தும் வல்லமை உண்டாகும். மனபக்குவம் கிடைக்கும்.

ராஜ தந்திரமாகப் பேசி சில முக்கிய காரியங்களை முடிப்பீர்கள். பழைய கடனில் ஒரு பகுதியை பைசல் செய்ய வழி பிறக்கும். வேற்றுமொழிப் பேசுபவர்களால் ஆதாயம் உண்டு. சுக்ரன் 7-ல் அமர்ந்து உங்களுடைய ராசியைப் பார்ப்பதால் பிரிந்திருந்தவர்கள் ஒன்று சேருவீர்கள். விபத்துகளிலிருந்து மீள்வீர்கள். பழுதான வாகனத்தை சீர் செய்வீர்கள். புதன் சாதகமாக இருப்பதால் பிள்ளைகளின் திறமைகளை இனங்கண்டறிந்து வளர்ப்பீர்கள்.

உறவினர், நண்பர்கள் பக்கபலமாக இருப்பார்கள். விருந்தினர் வருகையால் வீடு களைக்கட்டும். 2-ந் தேதி முதல் சப்தமாதிபதி செவ்வாய் 6-ல் நுழைவதால் கணவன்-மனைவிக்குள் இருந்து வந்த கசப்புணர்வுகள் நீங்கும். உடன்பிறந்தவர்கள் சரியாகப் புரிந்துக் கொள்வார்கள்.

வீடு, மனை வாங்குவது, விற்பது லாபகரமாக முடியும். வழக்கில் சாதகமான தீர்ப்பு வரும். ஆனால் 19-ந் தேதி முதல் சனி 8-ல் அமர்ந்து அஷ்டமத்துச் சனியாக வருவதால் அடுக்கடுக்காக சவால்களை சந்திக்க வேண்டி வரும். எங்குச் சென்றாலும் எதிர்ப்புகள் அதிகரிக்கும். கடன் பிரச்னை தலைத்தூக்கும். எந்த காரியத்தை தொட்டாலும் முதல் முயற்சியிலேயே முடிக்க முடியாமல் இரண்டு, மூன்று முறை முயன்று முடிக்க வேண்டி வரும். சிக்கனமாக இருக்க வேண்டுமென்று நினைத்தாலும் செலவினங்கள் அதிகரிக்கும்.

தொண்டை புகைச்சல், சளித் தொந்தரவு, காய்ச்சல் வந்துச் செல்லும். ஈகோப் பிரச்னையால் கணவன்-மனைவிக்குள் மனஸ்தாபங்கள் வந்து நீங்கும். சகட குரு தொடர்வதால் பழசை நினைத்து வெப்ப வேண்டாம். விமர்சனங்களை கண்டு அஞ்சாதீர்கள். மற்றவர்களிடம் அதிக உரிமை எடுத்துக் கொள்ள வேண்டாம். சிறுசிறு விபத்துகள் ஏற்படக்கூடும். கன்னிப் பெண்களே! பெற்றோரின் ஆலோசனையை ஏற்றுக் கொள்வீர்கள். திடீரென்று அறிமுகமாகும் நண்பர்களை நம்பி பழைய நண்பர்களை விட்டுவிடாதீர்கள்.

வியாபாரத்தில் ஓரளவு லாபம் வரும். சந்தை நிலவரத்தை கொஞ்சம் உன்னிப்பாக கவனியுங்கள். உத்யோகத்தில் சக ஊழியர்களால் கொஞ்சம் பிரச்னைகள் வரும். மூத்த அதிகாரிகளுடன் சின்ன சின்ன மோதல்கள் வரும். கலைத்துறையினரே! மறைமுக போட்டிகள் இருக்கும். வீண் வதந்திகள், கிசுகிசு தொந்தரவுகள்

மிதுனம்: அடக்கமாகும் வரை அடக்கமாயிரு என்பதை அறிந்து வைத்திருப்பவர்களே! 15-ந் தேதி வரை சூரியன் 6-ம் வீட்டில் அமர்ந்திருப்பதால் சவால்களில் வெற்றி உண்டு. பணவரவு அதிகரிக்கும். வழக்கு சாதகமாக முடிவடையும். ஷேர் மூலமாகவும் பணம் வரும். வி.ஐ.பிகள் அறிமுகமாவார்கள். அவர்களால் சில காரியங்களை விரைந்து முடிப்பீர்கள். குருபகவான் சாதகமாக இருப்பதால் எதிலும் நன்மை உண்டாகும்.

பொது விழாக்கள், கோவில் விசேஷங்களில் முதல் மரியாதைக் கிடைக்கும். 2-ந் தேதி முதல் செவ்வாய் 5-ம் வீட்டில் அமர்வதால் பிள்ளைகளால் அலைச்சல் இருக்கும். கர்ப்பிணிப் பெண்கள் மருத்துவரின் ஆலோசனையின்றி எந்த மருந்தையும் உட்கொள்ள வேண்டாம்.

சொத்து வாங்குவது, விற்பதில் அலட்சியம் வேண்டாம். 20-ந் தேதி வரை சுக்ரன் 6-ல் சென்று மறைந்திருப்பதால் செலவுகள், வாகன விபத்துகள், வீண் பழி, சளித் தொந்தரவு, தசைப் பிடிப்பு வரக்கூடும். கணவன்-மனைவிக்குள் அனுசரித்துப் போவது நல்லது.

யாருக்கும் ஜாமின், கேரண்டர் கையெழுத்திட வேண்டாம். மின்னணு, மின்சார சாதனங்கள் பழுதாகும். ஆனால் 21-ந் தேதி முதல் 7-ல் அமர்ந்து உங்கள் ராசியை சுக்ரன் பார்க்கயிருப்பதால் மனத்தெளிவு உண்டாகும். குடும்பத்தில் அமைதி நிலவும். விபத்துகளிலிருந்து மீள்வீர்கள். வாகனப் பழுதை சரி செய்வீர்கள்.

பிரிந்திருந்த கணவன்-மனைவி ஒன்று சேருவீர்கள். என்றாலும் இதுவரை 6-ம் இடத்தில் அமர்ந்துக் கொண்டு திடீர் பணவரவையும், ராஜ யோகத்தையும் அள்ளித் தந்துக் கொண்டிருந்த சனிபகவான் 19-ந் தேதி முதல் உங்களுடைய ராசிக்கு 7-ல் நுழைந்து கண்டகச் சனியாக அமர்ந்து உங்களைப் பார்க்கயிருப்பதால் கணவன்-மனைவிக்குள் விட்டுக் கொடுத்துப் போங்கள். ஈகோப் பிரச்னை வரும். மற்றவர்கள் சொல்வதைக் கேட்டு மனைவியை சந்தேகப்படாதீர்கள்.

இருவரும் மனம் விட்டு பேசுவது நல்லது. உங்களுடைய ராசிநாதன் புதனும் 6-ல் மறைந்திருப்பதால் காய்ச்சல், நரம்புச் சுளுக்கு, கை, கால் மரத்துப் போகுதல் எல்லாம் உண்டாகும். நண்பர்கள் மத்தியில் செல்வாக்குக் குறையும்.

உறவினர்களில் ஒரு சிலர் கூட நீங்கள் மாறி விட்டதாக கூறுவார்கள். முன்பு போல அவர் இல்லை. இப்போதெல்லாம் கோபப்படுகிறார் என்றெல்லாம் குற்றப்பத்திரிக்கை வாசிப்பார்கள். கன்னிப் பெண்களே! காதல் கனியும். உங்களின் திறமைகளை வெளிப்படுத்த நல்ல வாய்ப்புகள் வரும். வியாபாரம் செழிக்கும். பற்று வரவு உயரும். புது ஏஜென்சி எடுப்பீர்க

கடகம்: எச்சரிக்கை உணர்வும், எதிலும் புதுமையை புகுத்தும் குணமும் உள்ளவர்களே! 20-ந் தேதி வரை சுக்ரன் சாதகமாக இருப்பதால் எவ்வளவு செலவு வந்தாலும் சமாளிக்கும் சக்தி உண்டாகும். பணப்புழக்கம் அதிகரிக்கும்.

பிரபலங்களை தக்க நேரத்தில் பயன்படுத்திக் கொள்வீர்கள். வீண் விவாதங்களெல்லாம் குடும்பத்தில் நீங்கும். மகனுக்கு நல்ல நிறுவனத்தில் வேலைக் கிடைக்கும். கடன் வாங்கியாவது வீடோ அல்லது மனையோ வாங்க வேண்டுமென்ற முயற்சியில் ஈடுபடுவீர்கள். ஆனால் 21-ந் தேதி முதல் சுக்ரன் 6-ல் சென்று மறைவதால் செலவுகள், வாகன விபத்துகள், வீண் பழி, சளித் தொந்தரவு, தசைப் பிடிப்பு வரக்கூடும்.

கணவன்-மனைவிக்குள் வீண் சந்தேகம் வந்துப் போகும். யாருக்கும் ஜாமின், கேரண்டர் கையெழுத்திட வேண்டாம். மின்னணு, மின்சார சாதனங்கள் பழுதாகும். பிரபல யோகாதிபதியான செவ்வாய் பகவானும் இந்த மாதம் முழுக்க சாதகமான நட்சத்திரங்களில் சென்றுக் கொண்டிருப்பதால் வழக்கில் வெற்றி உண்டு. பழைய கடனில் ஒரு பகுதியை பைசல் செய்ய வழி கிட்டும். அரசாங்கத்தால் ஆதாயமடைவீர்கள். தடைப்பட்ட வேலைகளை முடித்துக் காட்டுவீர்கள்.

பங்காளிப் பிரச்னை, சொத்து சிக்கல், பாகப் பிரிவினைகளுக்கெல்லாம் நல்ல தீர்வு கிடைக்கும். சனிபகவான் 19ந் தேதி முதல் உங்களுடைய ராசிக்கு 6-ம் வீட்டில் நுழைவதால் திடீர் அதிர்ஷ்ட, யோகம் உண்டாகும். எதிர்த்தவர்கள் நண்பர்களாவார்கள். கைமாற்றாகவும், கடனாகவும் வாங்கியிருந்த பணத்தையெல்லாம் ஒருவழியாக தந்து முடிப்பீர்கள். பணப்புழக்கம் அதிகமாகும். பிள்ளைகள் நல்ல வழிக்கு திரும்புவார்கள். மகளுக்கு திருமணம் நிச்சயமாகும்.

மகனுக்கு எதிர்பார்த்த நிறுவனத்தில் வேலை அமையும். பூர்வீக சொத்துப் பிரச்னை முடிவுக்கு வரும். வழக்கு சாதகமாகும். வெளிவட்டாரத்தில் செல்வாக்குக் கூடும். புதன் சாதகமான வீடுகளில் செல்வதால் உறவினர், நண்பர்கள் உங்களுக்கு முக்கியத்துவம் தருவார்கள். கலைப் பொருட்கள் வாங்குவீர்கள். கன்னிப் பெண்களே! பெற்றோர் நீங்கள் நீண்ட நாட்களாக கேட்டுக் கொண்டிருந்த பொருளை வாங்கித் தருவார்கள். உயர்கல்வியில் கூடுதல் கவனம் செலுத்தப்பாருங்கள். வியாபாரத்தை நவீன மயமாக்குவீர்கள்.

சில மாற்றங்களையும் கொண்டு வருவீர்கள். கணிசமாக லாபம் உயரும். உத்யோகத்தில் கொஞ்சம் வேலைச்சுமை இருக்கும். உங்களுக்கு ஆதரவாக இருந்த அதிகாரி வேறு இடத்திற்கு மாற்றப்படுவார். கலைத்துறையினரே! கற்பனைத் திறன

சிம்மம்: மன்னிக்கும் குணமும், மறைக்காமல் பேசும் திறனும் உள்ளவர்களே! உங்களின் தைரிய ஸ்தானாதிபதியான சுக்ரன் சாதகமான நட்சத்திரங்களில் சென்றுக் கொண்டிருப்பதால் மனதிலே ஒரு தெளிவு பிறக்கும். குழப்பங்கள் நீங்கும்.

விலை உயர்ந்த ஆடை, ஆபரணம் வாங்குமளவிற்கு பணவரவு உண்டு. வீடு, மனை வாங்குவது, விற்பது லாபகரமாக முடியும். சிலர் வேறு வீடு மாறுவீர்கள். பூர்வீக சொத்துப் பிரச்னை கட்டுப்பாட்டிற்குள் வரும். திருமணம் தள்ளிப் போனவர்களுக்கும் கூடி வரும். இளைய சகோதர, சகோதரிகள் உங்களுக்கு ஆதரவாக இருப்பார்கள். சகோதரனுக்கு திருமணம் செய்து வைப்பது, ஒரு தொழில் அமைத்துக் கொடுப்பது போன்ற முயற்சிகள் வெற்றியடையும்.

புதன் சாதகமாக இருப்பதால் நண்பர்களால் பண உதவிகள் கிடைக்கும். ஷேர் மூலமும் பணம் வரும். சொந்த-பந்தங்கள் தேடி வந்துப் பேசுவார்கள். கேது 6-ம் இடத்தில் வலுவாக அமர்ந்திருப்பதால் தொலை நோக்குச் சிந்தனை அதிகரிக்கும். சின்ன சின்ன விவாதங்கள், வீண் சண்டைகளையெல்லாம் ஒதுக்குவீர்கள். குறைக் கூறிக் கொண்டிருப்பவர்கள், புலம்பிக் கொண்டிருப்பவர்களையும் தவிர்ப்பீர்கள். 2-ந் தேதி முதல் செவ்வாய் 3-ம் வீட்டில் அமர்வதால் சகோதர வகையில் இருந்த செலவுகள் குறையும். சொத்து வாங்க முன் பணம் தருவீர்கள். தாயாருக்கு இருந்த நோய் குணமடையும்.

15-ந் தேதி வரை உங்கள் ராசிநாதன் சூரியன் கேந்திர பலம் பெற்று வலுவாக காணப்படுவதால் பெரிய பதவிக்கு தேர்ந்தெடுக்கப்படுவீர்கள். அரசியலில் அதிகாரப் பதவியில் இருப்பவர்கள் அறிமுகமாவார்கள். முடிக்கப் படாமல் அரைக்குறையாக நின்ற வீடு கட்டும் பணியை முழுவீச்சில் முடித்து கிரகப்பிரவேசம் செய்வீர்கள்.

19-ந் தேதி முதல் சனி 5-ம் வீட்டிற்குள் நுழைவதால் தெளிவான முடிவுகள் எடுக்க முடியாமல் திணறுவீர்கள். பிள்ளைகள் இன்னும் கொஞ்சம் உழைத்து முன்னேறலாம், படிப்பிலே கூடுதல் கவனம் செலுத்தலாம், பொறுப்பாக நடந்துக் கொள்ளலாம் என்றெல்லாம் ஆதங்கப்பட்டுக் கொள்வீர்கள்.

கர்ப்பச் சிதைவு ஏற்படக்கூடும். பூர்வீக சொத்துப் பிரச்னை தலைத்தூக்கும். மகளின் திருமணம் விஷயத்தில் அவசரம் வேண்டாம். நன்கு விசாரித்து முடிவெடுப்பது நல்லது. மகனின் நட்பு வட்டத்தை கண்காணிப்பது நல்லது. கன்னிப் பெண்களே! உங்களின் நீண்ட நாள் ஆசைகள் நிறைவேறும். வியாபாரத்தில் நெளிவு, சுளிவுகளைக் கற்றுக் கொள்வீர்கள். கடையை விரிவுப்படுத்தி, அழகுப்படுத்துவீர்கள். உத்யோகத்தில்

கன்னி: வாய்ப்புகள் கை நழுவிப் போன பின் ஏங்குபவர்களே! சூரியன் சாதகமான வீடுகளில் செல்வதால் புதிய முயற்சிகள் யாவும் வெற்றியடையும். சோர்வு, சலிப்பு நீங்கும். உற்சாகமாக எதையும் முன்னின்று செய்வீர்கள். எதிர்மறை எண்ணங்களும் குறையும்.

நல்லவர்களின் நட்பு கிடைக்கும். அவர்களின் ஆலோசனையால் நீங்கள் புதிய பாதையில் செல்வீர்கள். வேலையில்லாமல் தவித்துக் கொண்டிருந்தவர்களுக்கு வேலை அமையும். அரசாங்கத்தால் நன்மை உண்டு. சிலருக்கு அயல்நாடு செல்லும் வாய்ப்பு வரும். அரசு காரியங்கள் விரைந்து முடியும். சுக்ரன் சாதகமான நட்சத்திரங்களில் சென்றுக் கொண்டிருப்பதால் புதியவர்கள் நண்பர்களாவார்கள். எதிர்பார்த்த தொகைக் கைக்கு வரும்.

கணவன்-மனைவி மனம் விட்டு பேசுவீர்கள். பிரிந்திருந்தவர்கள் ஒன்று சேர்வீர்கள். வீடு வாங்குவது, கட்டுவது நல்ல விதத்தில் முடியும். பூர்வீக சொத்துப் பிரச்னை முடிவுக்கு வரும். மகளுக்கு நல்ல வரன் அமையும். மகனின் கூடாப் பழக்கம் விலகும்.

விலை உயர்ந்த சமையலறை சாதனங்கள் வாங்குவீர்கள். 2-ந் தேதி முதல் செவ்வாய் உங்களுடைய ராசியை விட்டு விலகுவதால் கோபம் குறையும். உடன்பிறந்தவர்களுடனான மோதல்கள் விலகும். என்றாலும் பேச்சில் கவனம் தேவை.

வெகுளித்தனமாகப் பேசி பிரச்னைகளில் சிக்கிக் கொள்ளாதீர்கள். 19-ந் தேதி முதல் சனி உங்களுடைய ராசிக்கு 4-ம் இடத்தில் அமர்ந்து அர்த்தாஷ்டமச் சனியாக வருவதால் உங்களுடைய நடத்தை கோலத்தை மாற்றிக் கொள்ளாதீர்கள். இலவசமாக சில கூடாப்பழக்க வழக்கங்கள் நுழைய வாய்ப்பிருக்கிறது. எனவே கவனம் தேவை. தாயாருக்கு இரத்த அழுத்தம், மூச்சுத் திணறல், செரிமானக் கோளாறு, இதயக் கோளாறு வந்துப் போகும்.

அவருடன் மோதல்களும் வரக்கூடும். கன்னிப் பெண்களே! திருமணப் பேச்சு வார்த்தை சாதகமாக முடியும். புது வேலைக் கிடைக்கும். வியாபாரத்தில் அதிரடி முன்னேற்றமும், லாபமும் உண்டு. உத்யோகத்தில் மரியாதைக் கூடும். மேலதிகாரிகள் உங்களை நம்பி புது பொறுப்புகளை ஒப்படைப்பார்கள். கலைத்துறையினரே! உங்கள் படைப்புகளுக்கு நல்ல வரவேற்பு கிடைக்கும். மறைந்துக் கிடந்த திறமைகளை வெளிப்படுத்தி வெற்றி பெறும் மாதமிது.

துலாம்: எதிரே இருப்பவரின் மனஓட்டத்தை ஊடுருவிப் பார்ப்பவர்களே! உங்களின் ராசிநாதனான சுக்ரன் சாதகமாக இருப்பதால் உங்களுடைய ஆளுமைத் திறன் அதிகரிக்கும். தன்னம்பிக்கையுடன் எதையும் செய்யத் தொடங்குவீர்கள். எங்குச் சென்றாலும் மதிப்பு, மரியாதைக் கூடும்.

புது வாகனம் வாங்குவீர்கள். வீடு கட்டும் பணி நிறைவடையும். விரைந்து கிரகப்பிரவேசம் செய்வீர்கள். ஏறக்குறைய கடந்த ஏழரை வருட காலமாக உங்களை ஆட்டிப் படைத்து, நிம்மதியில்லாமல் நிலைக்குலையச் செய்து உங்களுடைய வாழ்க்கையையே புரட்டிப் போட்ட சனிபகவான் 19-ந் தேதி முதல் உங்களுடைய ராசிக்கு 3-ம் வீட்டில் அமர்வதால் எதிர்ப்புகள் அடங்கும். பெரிய மனிதர்களின் நட்பு கிடைக்கும்.

பேச்சில் இருந்த தடுமாற்றம் நீங்கி கம்பீரம் பிறக்கும். பழைய பிரச்னைகளுக்கு மாறுபட்ட அணுகுமுறையால் தீர்வு காண்பீர்கள். எதிர்ப்புகள் அடங்கும். ஆரோக்யம் கூடும். தடைப்பட்டு, தள்ளிப் போன காரியங்களெல்லாம் ஒவ்வொன்றாக முடிவடையும்.

தன்னிச்சையாக செயல்படத் தொடங்குவீர்கள். குடும்பத்தில் உள்ளவர்கள் உங்களுடைய உணர்வுகளைப் புரிந்துக் கொள்வார்கள். உங்களின் பிரபல யோகாதிபதியான புதன் சாதகமான வீடுகளில் செல்வதால் எதிலும் வெற்றி, மகிழ்ச்சி கிடைக்கும். தந்தைவழியில் இருந்த மனக்கசப்பு நீங்கும். எதிர்பார்த்திருந்த பணமும் கைக்கு வரும். புகழ் பெற்ற புண்ணிய ஸ்தலங்களுக்குச் சென்று வருவீர்கள்.

ஜென்ம குரு தொடர்வதுடன், 2-ந் தேதி முதல் செவ்வாயும் உங்கள் ராசிக்குள்ளேயே அமர்வதால் தலைச்சுற்றல், வாயுக் கோளாறால் நெஞ்சு வலிக்கும். முன்கோபம், உடல் சூடு, இரத்த அழுத்தம் அதிகமாகும். மனைவியின் உடல் நிலை லேசாக பாதிக்கும. கணவன்-மனைவிக்குள் சந்தேகத்தால் சின்ன சின்ன சண்டை, சச்சரவுகள் வரக்கூடும். சொத்து வாங்குவது, விற்பதில் அவசரம் வேண்டாம். வழக்கில் தீர்ப்பு தாமதமாகும்.

உடன்பிறந்தவர்களுடன் விட்டுக் கொடுத்துப் போங்கள். பயணங்கள் அதிகரிக்கும். செலவுகள் கட்டுக்கடங்காமல் போகும். சில நேரங்களில் பழைய கடனை நினைத்து பயப்படுவீர்கள். கன்னிப் பெண்களே! மனசை அலைபாயவிடாமல் ஒருநிலை படுத்துங்கள். காதல் விவகாரத்தில் சிக்கிக் கொள்ளாதீர்கள். வியாபாரத்தில் சந்தை நிலவரம் அறிந்து புது முதலீடுகள் செய்வது நல்லது. வேலையாட்களிடம் கண்டிப்பு காட்ட வேண்டாம். உத்யோகத்தில் அதிகாரிகள் உங்களைப் புரிந்துக் கொள்ள மாட்டார்கள். பணிகளை முடிப்பதில் அலட்சியம் வேண்டாம்.

விருச்சிகம் மூடநம்பிக்கைகளை முறியடித்து முன்னேறுபவர்களே! கேது 3-ம் வீட்டில் வலுவாக அமர்ந்திருப்பதால் எதிர்பார்ப்புகள் நிறைவேறும். கல்வியாளர்கள், அறிஞர்களின் அறிமுகம் கிடைக்கும். குடும்பத்தினருடன் கலந்தாலோசித்து சில முக்கிய முடிவுகள் எடுப்பீர்கள்.

பாதியில் நின்ற வீடு கட்டும் பணியை தொடங்குவீர்கள். 2-ந் தேதி முதல் உங்கள் ராசிநாதன் செவ்வாய் 12-ல் மறைவதால் சிக்கனமாக இருக்க வேண்டுமென்று நினைத்தாலும் அத்தியாவசியச் செலவுகள் அதிகமாகும். திடீர் பயணங்களால் அலைச்சல் இருந்துக் கொண்டேயிருக்கும். சகோதர வகையில் மனக்கசப்புகள் வரும்.

வீடு, மனை வாங்குவது, விற்பதில் அலட்சியம் வேண்டாம். கடந்த மூன்றாண்டு காலமாக உங்களுடைய ராசியில் ஜென்மச் சனியாக அமர்ந்துக் கொண்டு ஆரோக்ய குறைவையும், எதிர்ப்புகளையும், ஏமாற்றங்களையும் தந்து உங்களை உருமாற்றிய சனிபகவான் 19-ந் தேதி முதல் ராசியை விட்டு விலகி 2-ம் வீட்டில் நுழைவதால் மருந்து, மாத்திரையிலிருந்து விடுபடுவீர்கள். நோய் வெகுவாக குறையும். உங்கள் முகத்தில் புன்னகை மிளிரும்.

குடும்பத்தில் இழந்த செல்வாக்கை மீண்டும் பெறுவீர்கள். பிரிந்திருந்த கணவன்-மனைவி ஒன்று சேருவீர்கள். இழுபறியாக இருந்து வந்த வேலைகளெல்லாம் முடிவடையும். என்றாலும் ராசிக்கு 2-ல் அமர்ந்து பாதச் சனியாக வருவதால் அவ்வப்போது உணர்ச்சிவசப்படுவீர்கள். சாதாரணமாகப் பேசப் போய் சண்டையில் முடியும். கண்ணில் தூசு விழுந்தால் அலட்சியமாக இருந்துவிடாதீர்கள். உடனே மருத்துவரை கலந்தாலோசிப்பது நல்லது. பல் ஈறில் இரத்தம் கசியக்கூடும். காலில் அடிப்படும். சுக்ரனும், புதனும் சாதகமான நட்சத்திரங்களில் சென்றுக் கொண்டிருப்பதால் பணப்புழக்கம் திருப்தி தரும்.

வீண் சங்கடங்கள் நீங்கும். வாகன வசதிப் பெருகும். வீடு கட்ட வங்கிக் கடன் உதவி கிடைக்கும். அடகிலிருந்த நகையை மீட்பீர்கள். வெளிவட்டாரத்தில் மகிழ்ச்சி தங்கும். உறவினர், நண்பர்களின் வருகையால் வீடு களைக்கட்டும். குரு 12-ல் மறைந்திருப்பதால் கடந்த கால கசப்பான அனுபவங்களை நினைவுக்கூர்ந்த தூக்கத்தை கெடுத்துக் கொள்ளாதீர்கள். ஆன்மிக பயணம் சென்று வருவீர்கள். கன்னிப் பெண்களே! தவறான எண்ணங்களுடன் பழகியவர்களை ஒதுக்கித் தள்ளுவீர்கள். கல்வித் தகுதிக்கேற்ப நல்ல வேலைக் கிடைக்கும். வியாபாரம் சுமாராக இருக்கும். ஏழரைச் சனி நடப்பதால் வேலையாட்களால் பிரச்னைகள் வரக்கூடும். அவர்களை பக்குவமாக தட்டிக் கொடு.

தனுசு தவித்துக் கொண்டிருப்பவர்களை தேற்றி விடுபவர்களே! உங்கள் ராசிக்கு சாதகமான வீடுகளில் செவ்வாய் பகவான் இந்த மாதம் முழுக்க சென்றுக் கொண்டிருப்பதால் உங்களின் ஆளுமைத் திறன், நிர்வாகத் திறமை அதிகரிக்கும். சவாலான வேலைகளையும் சர்வ சாதாரணமாக முடித்துக் காட்டுவீர்கள். அதிகாரப் பதவியில் இருப்பவர்கள் உதவுவார்கள். குழந்தை பாக்யம் கிடைக்கும். பிள்ளைகளால் புகழ், கௌரவம் ஒருபடி உயரும்.

மகளுக்கு நல்ல வரன் அமையும். மகனின் அலட்சியப் போக்கு மாறும். சொத்து வாங்குவது, விற்பது லாபகரமாக முடியும். பூர்வீக சொத்தில் மாற்றம் செய்வீர்கள். சகோதரங்கள் உறுதுணையாக இருப்பார்கள். ஆனால் 19-ந் தேதி முதல் சனி உங்களுடைய ராசிக்குள் நுழைந்து ஜென்மச் சனியாக அமர்வதால் ஆரோக்யத்தில் அதிக அக்கறை காட்டுவது நல்லது. அவ்வப்போது உடல் பலவீனமாகும். நோய் எதிர்ப்பு சக்தி குறையும்.

கொஞ்சம் படபடப்பு, முன்கோபம் இருக்கும். தூக்கமின்மை, செரிமானக் கோளாறு, யூரினரி இன்பெக்ஷன், கை, கால் மரத்துப் போகுதளெல்லாம் வரக்கூடும். சாதாரணமாக நெஞ்சு வலிக்கும். பயந்துவிடாதீர்கள். மெடிக்ளைம் எடுத்துக் கொள்ளுங்கள்.

உணவு விஷயத்தில் கட்டுப்பாடு அவசியம். அசைவ, கார உணவு மற்றும் வாயு பதார்த்தங்களை தவிர்ப்பது நல்லது. சின்ன சின்ன உடற்பயிற்சி, நடைப்பயிற்சி மேற்கொள்ளப்பாருங்கள். குடும்பத்தினரை அனுசரித்துப் போங்கள். மற்றவர்களுக்காக ஜாமீன் கையப்பமிட்டு சிக்கிக் கொள்ளாதீர்கள். உங்களை அறியாமலேயே தாழ்வுமனப்பான்மை தலைத்தூக்கும். லாப வீட்டிலேயே குரு வலுவாக நீடிப்பதால் எவ்வளவு செலவுகள், அலைச்சல்கள் வந்தாலும் அதை சமாளிக்கும் சக்தியும், வல்லமையும் உண்டாகும். திடீர் பணவரவு, பெரிய மனிதர்களின் நட்பு கிடைக்கும். வெளிநாடு செல்லும் வாய்ப்பு வரும்.

சுக்ரன் சாதகமாக இருப்பதால் ஷேர் மூலம் பணம் வரும். ஃப்ரிட்ஜ், வாஷிங் மெஷின், மைக்ரோ ஓவன் வாங்குவீர்கள். கன்னிப் பெண்களே! சாணக்கியத்தனமாக பேசி காரியம் சாதிப்பீர்கள். எதிர்பார்ப்புகள் தடையின்றி முடியும். வியாபாரத்தில் சுறுசுறுப்புடன் செயல்படுவீர்கள். வேலையாட்களிடம் கறாராக இருங்கள். உத்யோகத்தில் மேலதிகாரிக்கு நெருக்கமாவீர்கள். கலைத்துறையினரே! வசதி, வாய்ப்புகள் பெருகும். உங்களின் திறமைகள் வெளிப்படும். தானுண்டு தன் வேலையுண்டு என்றிருக்க வேண்டிய மாதமிது.

மகரம்: மனித நேயமும், மற்றவர்களை மதிக்கும் குணமும் கொண்டவர்களே! பிரபல யோகாதிபதியான சுக்ரன் இந்த மாதம் முழுக்க சாதகமான நட்சத்திரங்களில் சென்றுக் கொண்டிருப்பதால் திடீர் யோகம் உண்டாகும். குழந்தை பாக்யம் கிடைக்கும்.

ஷேர் மூலம் பணம் வரும். வீடு கட்டுவீர்கள். சிலர் வீடு வாங்குவீர்கள். வங்கிக் கடன் உதவி கிடைக்கும். நீண்ட நாட்களாக வாங்க வேண்டுமென்று நினைத்த பொருள் ஒன்றை வாங்குவீர்கள். சகோதரருக்கு திருமணம் முடியும். சகோதரியுடன் மனம் விட்டு பேசுவீர்கள். 15ந் தேதி வரை சூரியன் லாப வீட்டில் அமர்ந்திருப்பதால் கடினமான வேலைகளையும் எளிதாக முடிப்பீர்கள். அரசாங்கத்தால் அனுகூலம் உண்டு. அதிகாரப் பதவிக்கு தேர்ந்தெடுக்கப்படுவீர்கள்.

சிலருக்கு அயல்நாட்டில் வேலை அமையும். என்றாலும் உங்களுடைய ராசிநாதனான சனி 19-ந் தேதி முதல் 12-ல் மறைந்து ஏழரைச் சனியின் முதல் கட்டமான விரையச் சனியாக வருவதால் சில காரியங்களை இரண்டு, மூன்று முறை போராடி முடிக்க வேண்டி வரும். பணப்பற்றாக்குறையால் வெளியில் கடன் வாங்க வேண்டிய சூழ்நிலை உருவாகும். பயணங்களும் அதிகமாகும். கனவுத் தொல்லையால் தூக்கம் குறையும்.

குரு 10-ம் வீட்டில் தொடர்வதால் கொஞ்சம் வேலைச்சுமை இருக்கும் ஆனாலும் சமாளித்துக் கொள்ளலாம். கடந்த கால கசப்பான சம்பவங்களை நினைத்து அவ்வப்போது புலம்புவீர்கள். மற்றவர்களை நம்பி எந்த வேலைகளையும் ஒப்படைக்க வேண்டாம்.

எப்படியிருந்தாலும் நீங்கள் ஒருமுறை அதே வேலையை செய்ய வேண்டிய கட்டாயத்திற்கு ஆளாவீர்கள். புதன் சாதகமான வீடுகளில் செல்வதால் உறவினர், நண்பர்கள் வீட்டு விசேஷங்களை நீங்களே செலவு செய்து முன்னின்று நடத்துவீர்கள். பிதுர்வழி சொத்துப் பங்கை கேட்டு வாங்குவீர்கள். குடும்பத்தினருடன் சென்று குலதெய்வப் பிரார்த்தனையை நிறைவேற்றுவீர்கள்.

சர்ப்ப கிரகங்கள் சாதகமாக இல்லாததால் வீண் விரையம், ஏமாற்றம், பொருள் இழப்பு, குடும்பத்தில் சின்ன சின்ன விவாதங்கள், மறைமுக எதிர்ப்புகளெல்லாம் வந்துப் போகும். உணவு விஷயத்தில் கட்டுப்பாடு அவசியம். லாகிரி, வஸ்துக்களை தவிர்ப்பது நல்லது. சாதாரணமாக நெஞ்சு வலிக்கும். நல்ல மருத்துவரை ஆலோசித்து மருந்து, மாத்திரை உட்கொள்வது நல்லது. கன்னிப் பெண்களே! சாதிக்க வேண்டுமென்ற தன்னம்பிக்கை வரும். புது நட்பு மலரும். வியாபாரத்தில் ஆர்வம் பிறக்கும். ரகசியங்கள் யார் மூலம் கசிகிறது என்பதை அறிந்து அதற்கேற்ப செயல்படுவீர்கள். உத

கும்பம்: தொலை நோக்குச் சிந்தனையுடன் பழமையையும் மதிப்பவர்களே! உங்களின் யோகாதிபதி சுக்ரன் சாதகமான நட்சத்திரங்களில் சென்றுக் கொண்டிருப்பதால் அதிரடி மாற்றங்களும், முன்னேற்றங்களும் உண்டாகும். குடும்பத்தில் மகிழ்ச்சி தங்கும்.

திருமணமாகாதவர்களுக்கு திருமணம் முடியும். வாகனம் புதிதாக வாங்குவீர்கள் ஷேர் மூலமாக பணம் வரும். தைரியம் உண்டாகும். தாழ்வுமனப்பான்மை விலகும். வி.ஐ.பிகள் ஆதரவாக இருப்பார்கள். தினந்தோறும் எதிர்பார்த்து ஏமாந்த தொகை கைக்கு வரும். கைமாற்றாக வாங்கியிருந்த பணத்தையும் ஒருவழியாக தந்து முடிப்பீர்கள். வீடு கட்டும் பணி நல்ல விதத்தில் முடியும். 19ந் தேதி முதல் உங்களுடைய ராசிநாதன் சனிபகவான் லாப வீட்டில் வலுவாக அமர்வதால் உங்களின் புகழ், கௌரவம் ஒருபடி உயரும். ஷேர் லாபம் தரும். வெற்றி பெற்ற மனிதர்களின் நட்பு கிடைக்கும்.

சிலர் சொந்தமாக தொழில் தொடங்குவீர்கள். புது பதவி, பொறுப்புகளுக்கு தேர்ந்தெடுக்கப்படுவீர்கள். குடும்பத்தில் உங்கள் கை ஓங்கும். சுப நிகழ்ச்சிகள், பொது விழாக்களில் முதல் மரியாதைக் கிடைக்கும். குரு வலுவாக இருப்பதால் ஆளுமைத் திறன், நிர்வாகத் திறன் அதிகரிக்கும். புது வேலைக் கிடைக்கும். ஆன்மிகப் பயணங்கள் சென்று வருவீர்கள். சூரியன் சாதகமான வீடுகளில் செல்வதால் அரசாங்கத்தால் ஆதாயம் உண்டு. வழக்குகள் சாதகமாக திரும்பும்.

மனைவிவழியில் ஒத்துழைப்பு அதிகரிக்கும். நல்ல காற்றோட்டம், குடிநீர் வசதியுள்ள வீட்டிற்கு மாறுவீர்கள். நீண்ட நாட்களாக மனைவிக்கு இருந்து வந்த முதுகு வலியும் நீங்கும். முன்கோபத்தையும், கெட்ட பெயரையும் ஏற்படுத்திக் கொண்டிருக்கும் செவ்வாய் 2-ந் தேதி முதல் ராசிக்கு 9-ம் வீட்டில் நுழைவதால் நிம்மதி உண்டாகும். உடன்பிறந்தவர்கள் உங்களைப் புரிந்துக் கொள்வார்கள்.

பழைய இடத்தை விற்று விட்டு புதிதாக வீடு வாங்குவீர்கள். வீடு, மனை வாங்குவது, விற்பது சுலபமாக முடியும். கன்னிப் பெண்களே! உங்களின் புதிய முயற்சிகளுக்கு பெற்றோர் ஆதரவாக இருப்பார்கள். வியாபாரத்தில் போட்டியாளர்களை முறியடிக்க அதிகம் உழைக்க வேண்டி வரும். வேலையாட்களின் குறை, நிறைகளை சுட்டிக் காட்டி அன்பாக திருத்துங்கள். உத்யோகத்தில் திடீர் முன்னேற்றம் உண்டாகும். உங்களைப் புரிந்துக் கொள்ளும் ஒருவர் அதிகாரியாக வந்து சேருவார். கலைத்துறையினரே! உங்களின் திறமைகளை வெளிப்படுத்த நல்ல வாய்ப்புகள் வரும். சம்பள பாக்கி கைக்கு வர

மீனம்: எதிர்நீச்சல் போட்டு இலக்கை எட்டிப் பிடிப்பவர்களே! கேது லாப வீட்டில் நிற்பதால் எத்தனைப் போராட்டங்கள் வந்தாலும் அவற்றையெல்லாம் சமாளிக்கும் சக்தி உண்டாகும். புது பதவிக்கு தேர்ந்தெடுக்கப்படுவீர்கள்.

வீண் விவாதங்கள் நீங்கும். பெற்றோர் உங்களைப் புரிந்துக் கொள்வார்கள். வேலை தேடிக் கொண்டிருந்தவர்களுக்கு புது வேலைக் கிடைக்கும். மூத்த சகோதரங்களின் அரவணைப்பு அதிகரிக்கும். ஒரு சொத்தை விற்று சில பிரச்னைகளிலிருந்து வெளிவருவீர்கள்.

வெளிவட்டாரத்தில் செல்வாக்கு திருப்திகரமாக இருக்கும். ஆன்மிகவாதிகளை சந்தித்து ஆசி பெறுவீர்கள். 2-ந் தேதி முதல் செவ்வாய் ராசிக்கு 8-ல் சென்று மறைவதால் எதிலும் நிம்மதியற்றப் போக்கு நிலவும். மனயிறுக்கம் உண்டாகும்.

வீடு, மனை வாங்கும் போது தாய்பத்திரத்தை சரி பார்த்து வாங்குவது நல்லது. வழக்கில் தீர்ப்பு தள்ளிப் போகும். உடன்பிறந்தவர்களுடன் பிணக்குகள் வரும். இரத்த சோகை, ஹார்மோன் பிரச்னைகள், முன்கோபம், நெஞ்சு எரிச்சல் வந்துப் போகும். யாருக்காகவும் ஜாமீன், கேரண்டர் கையெழுத்திட வேண்டாம். மற்றவர்கள் சில ஆலோசனைகள் வழங்கினாலும் அதை அப்படியே ஏற்காமல் யோசித்து சில விஷயங்களில் ஈடுபடுவது நல்லது.

உங்கள் ராசிநாதன் குரு 8-ல் மறைந்திருப்பதால் எந்த ஒரு வேலையாக இருந்தாலும் இரண்டு மூன்று முறை முயன்று முடிக்க வேண்டி வரும். சுக்ரன் சாதகமாக இருப்பதால் சுப நிகழ்ச்சிகளில் கலந்துக் கொள்வீர்கள். நவீன ரக ஆடியோ, வீடியோ சாதனங்கள் வாங்குவீர்கள். வீட்டை விரிவுப்படுத்துவீர்கள். புதன் சாதகமான நட்சத்திரங்களில் செல்வதால் உங்கள் ரசனை மாறும். உறவினர்களால் அனுகூலம் உண்டு. பால்ய நண்பர்களின் சந்திப்பால் உற்சாகமடைவீர்கள்.

19-ந் தேதி முதல் சனிபகவான் 10-ம் வீட்டிற்குள் நுழைவதால் கடினமான காரியங்களையும் எளிதாக முடித்துக் காட்டுவீர்கள். நேர்முகத் தேர்வில் வெற்றி பெற்று அப்பாயிண்மென்ட் ஆடருக்காக காத்திருந்தவர்களுக்கு அழைப்பு வரும். பிரபலங்களின் அறிமுகம் கிடைக்கும். புது பதவி, பொறுப்புகளுக்கு உங்களது பெயர் பரிந்துரை செய்யப்படும். சபைகளில் மதிக்கப்படுவீர்கள். அதிக வட்டிக் கடனில் ஒருபகுதியை பைசல் செய்வீர்கள். பங்குச் சந்தை மூலமாக பணம் வரும். கன்னிப் பெண்களே! உயர்கல்வியில் அலட்சியம் வேண்டாம். பெற்றோருடன் கலந்தாலோசித்து சில முக்கிய முடிவுகள் எடுங்கள். வியாபாரத்தில் விளம்பர யுக்திகளைப் பயன்படுத்துவீர்கள்.