வவுனியாவில் இ.போ.ச சாரதி மீது தாக்குதல்

வவுனியாவில் இ.போ.ச சாரதி மீது தாக்குதல்

வவுனியாவில் இன்று மாலை 3.30 மணியளவில் இ.போ.ச. சாரதி ஒருவர் மீது தாக்குதல் மேற்கொண்டதில் படுகாயமடைந்து வவுனியா பொது வைத்தியசாலை விபத்துப்பிரிவில் அனுமதிக்கப்பட்டுள்ளார்.

இச்சம்பவம் குறித்து மேலும் தெரியவருகையில்,

வவுனியா இ.போ.ச. சாலையில் சாரதியாக கடமையாற்றும் திருமணி திருச்செல்வம் (வயது 43) இன்று பணிக்கு லீவு போட்டுவிட்டு மாலை 3.30 மணியளவில் வவுனியா இலுப்பபையடி பேருந்து தரிப்பிடத்திலிருந்து சுந்தரபுரம் செல்லும் பேருந்தில் ஏறி காத்திருந்துள்ளார்.

இதன் போது ஐந்து பேர் கொண்ட ஒரு குழுவினர் பேருந்துக்குள் ஏறி குறித்த இ.போ. ச சாரதியை கடுமையாக தாக்கியுள்ளனர்.

இதில் படுகாயமடைந்த சாரதி உடனடியாக வவுனியா பொது வைத்தியசாலையில் அனுமதிக்கப்பட்டுள்ளார்.

இத்தாக்குதல் தொடர்பில் இது வரை பொலிசார் யாரையும் கைது செய்யவில்லை என்பது குறிப்பிடத்தக்கது.